根據台灣《自由時報》近日報導，日前有唔少中外媒披露一款中國所新建嘅怪獸級「兩棲登陸駁船」，其種類、大小似乎亦存在多種款式，不過早前嘅衛星影像，僅可透過「俯視」遠觀方式進行分析，近日網上終於有新畫面被披露。

近日網上流傳一組圖文，透過一段自海灘上「近距離」觀看拍攝嘅新視角，圖片中明顯可見該「登陸船」似船又似橋嘅構造，不僅船體懸空於水面，並同時向海灘打入4根固定柱，甚至有畫面顯示，數隻浮船串聯架橋，打破傳統對登陸戰嘅思維。

造前已有報導披露該船，等外界對解放軍新造嘅「登陸船」有一定了解，不過據軍網《THE WARZONE》10號最新報導，近日網上再流傳一系列有關該船嘅新照，並附帶影片，顯示解放軍正透過3隻類似「打樁駁船」做串聯，在一處未知海灘進行完整演示。海灘周圍不僅有多隻小艇，並有唔少民眾圍觀。

呢隻新船被暱稱為「入侵駁船」，只需透過1隻或一系列駁船，同其他運官兵、運軍械嘅船連接，加上其配有自升式機械可「打樁」支撐，提高在沙岸邊嘅穩定性，配上「類斜張式」吊臂，可組建一個臨時碼頭。似有學習二戰期間美軍、英軍在沙岸佈局「沈水水泥箱」建臨時港，不過將概念再進化。

過去有分析認為，今次露面嘅新式接駁登陸船，可能係中共解放軍用作為入侵台灣嘅準備工事之一，同時亦反映出中國海軍越發頻繁使用「貌似民用」嘅海上資產，用以支持軍用兩棲作戰。

報導並引述新美國安全中心（CNAS）智庫 兼職資深研究員 舒加特（Tom Shugart）分析，佢將呢類駁船稱為「T-LPT」，即民用輔助登陸駁船載台（civilian-crewed auxiliary landing platform-transfer）。本月9號有專家發現該船離開造地 廣州 龍穴島，赴南中國海某處；分析認為，3隻串聯可組成長850公尺嘅「跨海道」。