根據海外接真媒體《大紀元》20號報導，美國國會眾議員在週三19號致信多間大學，要求公開關於中國留學生在理工科（STEM）項目嘅學習情況，以及對美國國家安全恐構成嘅風險。

眾議院、中共特別委員會主席 穆勒納爾（John Moolenaar）近日致信俾六間大學校長，要求佢哋提供有關中國留學生「STEM」（科學、技術、工程、數學）項目嘅招生政策及實習規定，尤其關注啲學生是否參與接受聯邦資助嘅研究項目。

收信嘅大學分別係「卡內基梅隆大學、普渡大學、斯坦福大學、伊利諾伊大學、馬里蘭大學、南加州大學」。議員強調，北京正「戰略性」利用美國大學獲取關鍵技術，以推動軍事、經濟發展，對美國構成嚴重風險。

每年，有數十萬中國留學生赴美留學，其中部分會接觸到「人工智能、量子計算、芯片、航太工程」等尖端研究。在美國高校STEM領域嘅外國研究生中，有三分一來自中國。其中部分直接涉入中共政府資助嘅項目、人才引進計劃，同軍工產業研究機構存在聯繫。

穆勒納爾指，儘管美國情報官員警告，美國高校已成為間諜活動、知識產權盜竊嘅「軟目標」，但頂尖大學仍繼續大量招收中國留學生進入關鍵研究項目。佢質疑，啲大學保持招生，係出於對短期經濟利益嘅考慮，而非將美國長期國安，以及學生於核心領域嘅教育「置於第一位」。

穆勒納爾表示，中共已建立一條有據可查嘅系統性渠道，將研究人員嵌入美國頂級學府，使佢哋能直接接觸軍民兩用敏感技術。並形容，美國嘅學生簽證系統，已成為北京嘅「特洛伊木馬」，等其研究員可不受限制進入美國頂級研究機構，從而直接威脅美國國安。

據哈佛大學一項研究，僅25%中國研究生，計劃在完成學業後移民美國或其它西方國。更令人擔憂嘅就係，有近一半嘅中國研究生，在畢業後僅短暫留美就業，隨後就返去中國；另有四分一學生，計劃畢業後直接返國。

該趨勢引發重大擔憂，即中國留學生在獲取美國高度先進領域專業知識後，最終將技術及研究成果轉移返中國。穆勒納爾又進一步指，啲人才嘅流失並非偶然，而係北京刻意利用學術界「無安全意識嘅科研合作」，促進技術進步嘅戰略體現。

穆勒納爾警告，如果美國高校不受限咁招收中國留學生，恐會加速技術轉移，增強北京在軍事、經濟方面嘅競爭力，損害美國利益。如果趨勢得唔到遏制，將繼續擠壓美國本土人才發展空間，破壞研究完整性，助長中共技術野心，令美國付出沉重代價。