綜合台灣《中央社》近日報導，台灣民間「大罷免烈火」持續延燒，其中罷免國民黨籍連江縣立委 陳雪生嘅罷免團體，在17號表示已收足141份「附台灣身分證影本」嘅連署書，即係適用時「罷免新制」，並已達第一階段門檻，不過為保護幫手連署嘅當地居民，將暫不送件，會先進行二階連署「意願調查」，待接近二階門檻後再送出一階連署書。

罷免 陳雪生委員嘅團體「馬祖剷雪大隊」當日透過Threads表示，雖然在適用新法後，連署過程出現更大挑戰，但團體對馬祖嘅愛，及罷免 陳雪生嘅意志毫不動搖。根據內文，馬祖1階門檻需收足117人，而已蒐集到嘅141份連署，每一份都連帶身份證，扎扎實實而且冇死人連署。

將待「有意簽署2階段」意願接近1164人2階段門檻後，再正式送出第1階段連署書。剷雪大隊表示，馬祖地細、人少，人際關係緊密，連署人驚資料送出後，會成地方惡勢力「查水表」對象，遭施以各式「施壓、刁難、打壓」。因此經再三思量，將押後送件、保護幫手連署嘅居民，並正式為2階段準備。

不過，根據台灣《三立新聞》20號報導，一向被視為深藍鐵票倉嘅離島區域，在馬祖 陳雪生委員連署1階罷免資格通過嘅消息傳出後，該區委員 陳雪生似乎都「大感震驚」。最初嗰陣，陳雪生被問到罷免問題，多輕描淡寫話「唔知道、冇意見」，但近日佢在立院質詢時「態度丕變」，不只對行政院長 卓榮泰話「自己認真做立委，唔好再講罷免嘅事」，甚至盼院長幫幫手，俾佢做完餘下3年。

報導指出，在30分鐘嘅質詢過程，其中一段提到「華信航空」董座及馬祖交通問題嘅過程中，陳雪生自嘲「不如立委我辭職，董座我來做好啦」，卓榮泰聽完後笑讚 陳係「稱職嘅委員」。陳雪生又突然話「唔得啦，聽講我嘅罷免要成功啦，有團體要罷免我喎」。

陳以「夙夜匪懈」形容自己努力，話自己24小時為民服務，請咗20幾個助理，又車大炮話自己24小時為「台灣北中南」鄉親做服務，爭取經費同係第一名，求院長唔好再講罷免嘅事。陳又話自己熱愛馬祖鄉親，懇切拜託相親俾佢做完後3年。台灣行政院長 卓榮泰對此回應「我冇話罷免嘅事喎」，陳隨即拱手作揖，做出拜託手勢，呼應上述講法，卓亦以同動作致意對方。