根據《法廣》14號報導，英國內政部在周四13號更新指引，將英國國民、海外「BNO護照」，納入豁免申請電子旅遊許可(ETA)嘅名單中，意味著為數達三百萬丶在1997年前由英國發俾香港嘅BNO護照持有人，即日起入境英國可毋須再申請ETA。不過，97年後由港府簽發俾港人嘅「特區護照」，不在今次豁免名單中，持「港區護照」入境人士，仍須申請ETA入境英國。
英國自1月起實施入境新規，包括港澳等數十個免簽證國家及地區在內嘅所有旅客，入境英國前都須申請ETA；英國國民及已獲淮在英居留等人士可獲豁免，但當時並未將BNO包括在內。
英國移民事務國務大臣Seema Malhotra上周三5號在回覆上議院議員 奧爾頓勳爵時表示，考慮到BNO護照社群同英國嘅緊密關係，以及英國政府對於佢哋嘅歷史承諾，加上其護照由英國政府發出，英方決定作出調整，豁免BNO持有人申請ETA 嘅要求，但當時未有訂明生效日。事隔一周，新政策生效。
根據規定，任何人若在英國或海外犯法並獲刑12個月或以上，就不可申請ETA，有關規定對因參與2019年社運嘅釋囚不利，經多個在英港人組織呼籲英國政府「重新檢視相關政策」後，當局決定放寬政策。不同組織均歡迎新政，認為有助相關釋囚直接持BNO護照入境英國後「再申請庇護」。
