根據《法廣》12號報導，據一名德國船東周三透露，其旗下一隻貨船在周一10號當日，於北海附近撞上一隻美軍承租嘅油輪，而駕駛貨船嘅船長其國籍係俄羅斯，改名船長已被英國警方拘留，並積極配合調查。利物浦「約翰莫爾大學」海事中心主任 卡利克表示，對貨船「多次」錯過轉向機會，並「直直」撞向油輪感到奇怪。

《法新社》12號引述英國東北城市 格里姆斯比（Grimsby）當地報道指，呢宗罕見嘅碰撞事故，其具體情況至今仍無法解釋。今次事故發生在英格蘭東海岸附近，碰撞後發生爆炸並引起大火，貨船上有一名失蹤船員，據推測該員已經死亡。

目前調查仍繼續持續中，當局要釐清究竟係乜原因導致「索隆號」（Solong）貨船會同停泊在錨地嘅「史迪納 無瑕號」（Stena Immaculate）油輪相撞。尤其被撞嘅油船掛有美國旗，後被證實係美國軍方租用，而且當時船上裝載有戰機等軍機專用嘅航空燃油。

英國警方在周三表示，「索隆號」貨船嘅船長係一名59歲男子，佢因涉嫌「嚴重過失殺人」，目前仍被警方拘留。索隆號嘅德國船東Ernst Russ集團周三宣布，該男係俄羅斯人，並補充指，船上其他船員有俄國人、菲律賓人，全體船員都積極參與調查。

在前一日，英國交通大臣 邁克·凱恩（Mike Kane）承認，今次事故非常嚴重，但暫時未有直接證據可表明係一宗犯罪行為。據船舶檢查組織「港口監督」（PSC）提供嘅文件，資訊顯示，舊年7月索隆號在愛爾蘭進行例行安全檢查時，被發現船上存在部分缺陷。

據《每日電訊報》報道，該船嘅「緊急轉向羅盤」出現故障。此外，據愛爾蘭當局報告，其他問題仲包括「警報不足、救生艇維護不善、防火門不合規」等多種問題。儘管如此，該貨輪在嗰次檢查後，仍然繼續執行航行任務。

今次撞船事件令專家感到奇怪其擔憂，包括 利物浦「約翰莫爾大學」海事中心主任 卡利克（Abdul Khalique）就指出，今次事件係一宗非常罕見嘅事故，佢自己都想知道點解索隆號貨船，無法採取緊急行動以避免碰撞。

卡利克補充解釋，貨船本應可以改變航向，避開當時停泊在錨地嘅「所有船隻」，但其並冇咁做，而係沿著一條垂直嘅軌跡行駛。似乎，有好多次轉航嘅機會「都被錯過」，有必要等到調查結束後，先可以搞清楚今次碰撞係點樣發生嘅。

《法新社》亦報導指，今次碰撞造成嘅污染，對該地區海洋生物嘅影響引起各界擔憂，因為「史迪納 無瑕號」油輪一個裝有燃油嘅儲油罐被撞裂。綠色和平組織 （Greenpeace）在周三表示，今次碰撞「僥倖」避免咗一場「環境災難」。

英國海事及海岸警衛局首席執行官 麥克維亞（Virginia McVea）表示，除咗最初在事件中觀察到嘅情況，暫時未有進一步嘅污染報告。英國交通大臣 凱恩在週二保證話，目前未發現船舶污染當地環境嘅跡象。

報導指，索隆號貨船上嘅火勢已明顯減弱，油輪上亦不再有火焰。另根據《法新社》周二在直升機上拍到嘅照片顯示，當時索隆號上濃煙滾滾，美軍油輪嘅側面出現一個大洞。最終嘅人員傷亡數還需要清點，主導救援嘅英國海警隊在周一已救出36人，其中包括美軍油輪上嘅23 名船員。