根據《自由亞洲電台》7號報導，南美洲國家 巴拉圭係唯一同 中華民國台灣 仍保持邦交嘅國家之一，日本《產經新聞》報道指，舊年12月中國一名外交官，以擴大進口牛肉等產品為條件，要求巴拉圭政府同台灣斷交，改向中國建交，惟遭到巴國斷然拒絕。

報道稱，巴拉圭係牛肉出口大國，但因該國支持遭俄國入侵嘅烏克蘭，致其出口至俄國嘅牛肉數量銳減，需尋找可填補缺口嘅替代巿場，並將焦點投放至日本，望其批准入口巴拉圭牛肉。

巴拉圭當地因早年戰後日人踏足拓墾，因此不止有無數日裔人士，政治上長期親日，早前在台北就有一場向日企推銷巴拉圭牛肉嘅試食會，有份出席嘅前日本駐巴拉圭大使 中谷好江表示，巴拉圭係個堅守原理原則嘅國家，即使冇直接利害關係，巴拉圭一直與日本同步而行。

日媒報道盛讚巴拉圭，指該國人口雖只有約700萬，卻係個「有骨氣」嘅國家，報導並提到中國正將手伸向巴拉圭，指舊年12月一名中國外交官，以參加聯國會議名義入境，卻藉機向該國官員暗示「可擴大進口巴拉圭產品」，作為「條件交換」要求當局改承認中國，遭遇當局以違反入境目的為由驅逐出境。

《路透社》舊年曾報導指，巴拉圭撤銷中國外交部拉美司公使銜參贊 徐偉（Xu Wei）嘅簽證，指佢「干涉內政」並被列為不受歡迎人物，須在24小時內離境。

巴拉圭駐日大使、日裔移民二代 豐歲（Mario Masayuki Toyotoshi）表示，由於「巴中」冇邦交，巴拉圭無法將牛肉出口至中國，但 巴拉圭係「意志堅定不移嘅國家」，同時 巴國並非片面要求日本開放進口牛，不過在全球物價飆漲之際，巴拉圭可提供「價廉物美」嘅肥料及飼料。暗示巴拉圭牛肉「量大、新鮮、抵買」。