根據《自由亞洲電台》（RFA)6號報導，受累美中關係緊張，香港國際航運中心地位正逐步惡化。《路透社》在當日引述消息指，部分航運公司正低調將業務遷出香港，並註銷在港船舶登記，目的就係為避免在美中角力中，船隻恐被中國當局徵用，或受美方制裁。

另有指數據顯示，在港註冊嘅遠洋船數較4年前減少逾8%，當中近百隻大船過去2年改於新加坡、馬紹爾群島登記。《RFA》翻查港府資料後發現，以「香港區旗」抵港嘅遠洋船隻船次，在過去4年中大跌逾30%，比疫情嗰陣更差。

《路透社》引述20幾名航運高層、保險公司及熟悉香港嘅律師指，業界憂慮美中緊張局勢升級，特別在台灣問題上，作為重要海運樞紐，香港不得不在北京壓力下，去支持中國嘅國家安全利益。由於北京指派嘅香港領導，擁有在緊急情況下奪取航運嘅控制權，不排會徵用在港註冊嘅船，而美國對中船恐採嚴厲審查甚或制裁。

根據國際船舶數據公司「VesselsValue」分析，儘管有大量中資船舶湧入香港註冊，但以今年1月最新數據顯示，在香港註冊嘅遠洋船只有2366隻，較4年前2580隻少逾8％。過去2年間，有74隻乾貨船、15隻油船、7隻貨櫃船，註銷在港嘅船舶登記，並改往新加坡、馬紹爾群島重登。

經《RFA》翻查港府最新數據，發現以「香港區旗」抵港嘅遠洋船隻船次，由2017及2018年逾3000船次高峰逐年下跌；2024年唯得1875次，較2020年武肺爆發時嘅2735次，大跌逾30%。至於香港註冊船數目中嘅「遠洋船」一項，今年1月為2173隻，比2022年同期2324隻，少約6.5%。

而事實上，美國政府舊年9月前已多次警告美企，因應《港區國安法》實施、中國利用香港規避制裁及擴張勢力，在香港經營嘅風險愈來愈高。上月，美國貿易代表辦事處建議，向中國航運公司及其他經營使用中國製船嘅公司，徵收高額美國港口費，以對抗中國在造船及海運物流領域嘅「針對性主導位」。

港府回應《路透社》指，有鑑於地緣政治及貿易環境不斷變化，航運公司審查營運情況係好自然嘅事，佢並強調「登記船舶數在短期內波動屬正常」；又指「冇法律」可授權香港領導徵用船隻，並配合中國商船隊服役，但港府拒絕回應在中美衝突期間，會否有機會動用殖民時代嘅「緊急權」，包括控制船隻及財產。