根據台灣《中央社》7號報導，美國眾議院委員會尋日通過「不歧視台灣法案」，要求支持台灣加入「國際貨幣基金」（IMF）組織。提案議員 金映玉指出，台灣「唔需要係聯合國一員」先可加入IMF。事實上，科索沃同非聯合國一員，但已經係IMF成員超過十年。

聯邦眾議院「金融服務委員會」，尋日下晝通過由共和黨 金映玉（Young Kim）及民主黨 葛林（Al Green）共提嘅「不歧視台灣法案」，籲美國政府支持台灣參與IMF「涉台」經濟及金融政策定期監管，提供台灣人在IMF工作機會，協力台灣接受IMF技術援助及培訓。

眾議院挺台大將 金映玉於表決後指，美國長期以來支持台灣加入「無需國家主權資格」之國際組織。美國亦主張，在無法成為會員嘅情況下，台灣嘅聲音仍應被聽見。呢項「原則」，在共和黨、民主黨政府間延續數十年，並在國會通過嘅法案中獲重申。

金映玉指，我提出嘅法案非常直接。即係要求美國財政部在IMF內，執行我哋嘅台灣政策。佢並指出，IMF致力於推動貨幣合作、匯率穩定及促進國際貿易成長，卻將台灣咁樣嘅經濟強權排除在外，實在太荒謬。

金映玉又話，台灣係美國前十大貿易夥伴之一，擁有全球第5大外匯儲備，台灣全國嘅儲備規模超過「巴西、韓國、墨西哥」，甚至係超越除咗瑞士以外嘅所有歐洲國家。佢並直指，台灣經驗可供IMF業務參考。

當前中國透過不透明海外貸款，以及唔同其他債權人合作嘅方式，對IMF 嘅運作造成威脅。金映玉對此表示，美國必須確保IMF聚焦在「有效嘅」國際合作，代表IMF應對台灣等「可對IMF使命做出重大貢獻」嘅可能成員國，抱持開放態度。

佢並提到，推動台灣成為IMF成員，將為台灣加入其他國際金融機構鋪路。例如，世銀要求想加入國家，必須先擁有IMF會員資格。此外，參議院外委會兩黨議員，同支持台灣加入美洲開發銀行（Inter-American Development Bank），該提議將在台灣加入IMF後成為可能嘅選項。

法案並列舉台灣應加入IMF 嘅多個原因，其中包括，台灣雖非IMF成員，但已係「世界貿易組織（WTO）、亞洲開發銀行（ADB）、亞太經濟合作會議（APEC）」嘅一員。法案並指，台灣關係法明定，本法不得解釋為「支持將台灣排除」或「驅逐出任何國際金融機構或組織」。

根據法案所指，「聯合國」（UN）承認中國後，台灣仍在IMF保有會員資格9年，而且1980年IMF接納「中共國」入會後，仍允許16名台灣籍員工繼續任職。美國時任IMF執行董事 克勞斯（Sam Y. Cross）代表美國政府，表態支持「台灣與IMF保持某種形式關係」。

經美國國會眾院提案「不歧視台灣法案」，並送出委員會後，必須再獲眾議院全院通過，之後再經參院通過文字一致嘅版本，先可送交白宮，交由總統 特朗普簽字生效。