根據台灣《自由時報》6號報導，台灣外交部長 林佳龍尋日揭露，台灣立院國民黨團總召 傅崐萁二月赴港參加旅展時，同團有一名旅行業者 陳女被中共關押，至今未被釋放。

而在港高調宣稱代表「台灣中央」嘅議員 傅崐萁回應稱，遭港府扣押嘅團員，25年前在港曾發生咩案「冇人知曉」，遭扣押嘅團員佢「從來都唔識」，並要台灣外長 林佳龍自制，唔好見獵心喜潑髒水。

傅崐萁表示，兩個月前因應「花蓮-香港」直航，縣府在舊年12月12號成功推動每週4班「花蓮-香港」直航，同時香港旅團受邀參加2月20號嘅「2025香港觀光博覽會」，凡花蓮在地觀光業者都可自費報名參加，跟著花蓮縣嘅觀光團共赴香港。

傅崐萁強調其個人「並非團員」，更非佢帶團領隊，而係自費前往參加，協助推動花蓮觀光事宜。又宣稱一切行程「皆公開」，所以先會一路被「綠營安插嘅團員」同步竊錄、散播訊息。

傅崐萁又話，林佳龍唔好見獵心喜，台灣國人在香港被押，台灣政府卻興風作浪，又批民進黨「冇同理心」，並意有所指話，外交工作嘅父母官「冇胸懷」，淨講啲風涼話令人不齒。

傅崐萁話鋒一轉，再次發揮中共總書記「責任不在我方」嘅精神，將責任「賴俾總統」，稱事件足以見到台灣賴清德當局政府嘅「嘴臉」，並指事件「同我傅崐萁完全無關」。