根據香港《Yahoo 新聞》6號報導，啟德桌球大奬賽觀眾被要求提早離場，浸大運動及健康科學系教授 劉永松認為，有關方面唔了解賽事本質，批評事件顯係「外行領導內行」。

世界格蘭披治桌球大獎賽首在港舉行，賽事首日4號就出現賽事未完便「逐客」情況，觀眾被要求在午夜前離開。澳洲桌球手 羅拔臣更以為係宵禁。

立法會議員、大型體育活動事務委員會副主席 鄭泳舜表示，對事件感到詫異，認為舉辦大型體育賽，都係希望諗辦法留住觀眾，而非要趕走佢哋，佢形容「傷害已造成」，事件對港舉辦盛事形象有損。

尋晚11點三個字度，一號枱尾場賽事舉行期間，場地屏幕突然表示「據場地使用限制，觀眾需於午夜前離場」。隨後大批保安撲出要觀眾離開，引起鼓譟；由於賽事未完結，在觀眾離場後，球手繼續閉門作賽。

鄭泳舜今朝受《港台》節目「千禧年代」訪問，形容事件對港舉辦盛事形象有影響，雖然5號賽事進行至凌晨，大會有安排交通協助觀眾離場，但傷害已造成，而家係補救措施。佢批評，舉辦大型體賽都希望留住觀眾，而非要趕走觀眾。

目前尚未知係邊一方頒下「逐客令」。主辦方「鋒體育推廣有限公司」總裁 封歡歡對傳媒表示，當晚 11 點同場館協調時，先知觀眾要在午前離開。

封歡歡話，以往在內地主辦桌球賽都冇時間限制。至於要求觀眾在午夜前離開嘅原因，係場地方稱基於交通問題，為避免影響附近居民。啟德體育園回覆傳媒則表示，一直同主辦方及相關持份者密切溝通，據實際運作及賽事要求，同主辦方訂定安排。

鄭泳舜表示，估計園區及主辦溝通出問題，又認為以交通原因決定清場「理由不成立」。佢續話，足球、籃球比賽時間有上限，但部分賽事例如桌球、網球大滿貫，甚至排球要打五局三勝，可能需時較長，認為時間「預鬆少少」會較好。

不過佢續指，今次主辦有經驗，相信唔會唔知會有超時情況，重申舉辦國際賽事應以觀眾角度考慮做法。佢並認為事件顯係「外行領導內行」，有關方對賽事本質不解。佢又指，桌球大獎賽維持不限時傳統，等球員可思索如何進攻、防守，即使通宵作賽，亦唔會要求觀眾離場，佢認為主辦方同啟德體育園應早啲達成共識。