根據《法廣》5號報導,為報復美國對加拿大徵收所謂「冇得傾」嘅25%額外關稅,加東包括「安大略省、魁北克省」在內嘅多個省份,在周二齊齊宣布,將自國營商店中剔除、禁售所有美國酒。
安大略省省長 道格.福特(Doug Ford)表示:此舉係對美國生產商嘅一次巨大打擊。佢並指出,該省嘅酒類委員會每年自美國銷售價值近10億加元(6.5億歐元)嘅酒類。
與安省緊鄰嘅「馬尼托巴省、魁北克省」同做出相同決定。位於該國西部嘅不列顛哥倫比亞省,選擇「禁止來自共和黨州」嘅酒類產品。由於加拿大酒類由各省旗下嘅國有公司管理,因此各省對此有各自嘅話事權。
道格.福特(Doug Ford)在周二新聞發布會上指,安大略省嘅LCBO係世界上最大嘅「酒採商」。佢並補充話:由於獨家批發商LCBO 嘅目錄將不再有美國品牌,該省嘅其他零售商、酒吧、餐館,都將無法再補充美國酒產品供應。
魁北克政府並透過新聞稿要求酒商,不再向雜貨舖、代理機構、酒吧、餐館供應美國酒精飲品。魁北克省酒委會(SAQ)網站顯示,該措施在周二下晝開始實施。各種美國產品下都標註有聲明:根據加拿大、美國之間新關稅規定,該產品不再出售。
美國自週二開始實施對加、墨產品徵收25%額外關稅,同時對中國產品徵收20%額外關稅。加拿大總理 杜魯多形容 特朗普此舉係「愚蠢決定」。
隨後 特朗普又威脅要再對加國進口產品實施更嚴厲打擊。但稍晚就被自己人「冚一巴」,美商務部長 盧特尼克表示,總統可能會在周三宣布就對加墨加徵關稅一事「妥協」。