根據《香港01》3號深夜報導，屹立北角52年嘅「新光戲院」在3號晚正式結業，「告別場」粵劇《小平你好》於當晚11點完結，院方並安排為「新光戲院」霓虹招牌熄燈嘅儀式。

當晚嘅戲院盛況，不亞於1970年代經常全院滿座嘅情況，不過「觀眾」多來見證新光成為歷史嘅一夜。資深藝人 黃夏蕙亦有到場，並對新光結業感到失落，佢指出：我都90歲喇，好多朋友已離開咗，而家連新光都離開埋，所有嘅回憶都只能夠回憶，乜嘢都冇咗。

有「粵劇殿堂」之稱嘅新光戲院，在挺過多次結業危機後，今次「結」數難逃正式「熄燈」。來到最後時刻，主席 李居明揀選《金玉觀世音》、《秦王孟姜》、《小平你好》 三齣「戲寶」，作為告別。2、3號兩晚上演嘅係最後一齣《小平你好》，由「八和會館」主席 龍貫天領銜主演、門飛早早已經售罄，戲院兩晚都掛上「全院滿座」旗。

至於新光戲院史上最後一次嘅拜神切燒豬儀式，2號晚已經舉行，吸引唔少人圍觀，更有戲迷帶同燈牌支持，又稱未來「大師 李居明去邊就跟到邊」。而最後一夜嘅現場人數較前一晚更多，人潮逼滿全大堂，無論有飛、冇飛，來懷舊嘅市民齊聚一堂。

而包括「粵劇殿堂、新光戲院大劇場」等招牌，以及館內嘅「磅重機、波波燈、海報展版」等，全部都係市民影像合照打卡嘅對象。戲院外「英皇道、書局街」一帶，亦有唔少人聚集，唔少攝影迷、文史工作者帶上長鏡頭，拍低新光戲院霓虹燈招牌嘅最後餘暉，警方亦有派人在現場維持秩序。

開場冇幾耐，曾係粵劇演員嘅藝人 黃夏蕙亦現身戲院大堂，唔少人上前爭相打卡。夏蕙BB稱，新光係個難得嘅劇場，舞台靚、佈景做得好，好少有台係咁靚㗎。佢並回憶在新光嘅幾十年，好多演員朋友都已離開咗，而佢都已90歲，而家連新光都離開埋。所有嘅回憶都只能夠回憶，乜嘢都冇咗，對此感到十分失落。

自細在北角長大嘅 賀先生稱，過去新光係佢返屋企嘅必經之路，並憶起曾在新光睇過電影《瘦身男女》，亦曾入場睇過粵劇，對新光結業大嘆可惜。

就讀於「中大」文化管理系嘅 賀先生就指，其畢業論文都係以新光為主題，分析新光嘅獨特之處，並係少有嘅無樓梯劇院，票價亦較低，長者無論居於港九新界，都會在度睇大戲。雖然對新光結業感到可惜，但亦認為 李居明會繼續粵劇創新，吸引大眾興趣。

有8年粵劇劇齡嘅 林先生係 李居明嘅戲迷，佢稱在新光最深刻嘅回憶就係《粵劇特朗普》呢套劇，並大讚當晚嘅《小平你好》都係一套好戲，連同當晚佢已足足睇過三次。佢同 賀先生一樣，同對粵劇文化感到樂觀，並指會跟隨 李居明嘅步伐，繼續入場睇粵劇。

有近40年粵劇劇齡嘅 黎太就指，當晚佢特登買飛入場，稱新光一直係其至愛，地點便捷之餘，亦較政府場地自由，佢坦言日後即使可在西九等地繼續睇戲，亦不及新光嘅親切感。佢形容當日心情好矛盾，又興奮又唔捨得，雖可參與其中，但「熄咗燈好落漠囉」。