根據台灣《中央社》4號報導，由已逝台灣獨派大佬 辜寬敏所創辦嘅「辜寬敏基金會」，以及其他70幾個大小台灣民間團體，近日聯合發起連署，聲援在最前線發動「罷免藍委」嘅罷免團體。

「辜寬敏基金會」董事長 王美琇在今日表示，相信 民進黨會用自己嘅方式「支援罷免活動」，總統 賴清德、執政黨如果「扮盲裝聾」睇唔到民主大浪潮，將會被台灣人民唾棄。

中選會表示，截至3號止，共有32件國民黨立委罷免案確定進入二階連署，另外12件民進黨立委嘅罷免案則未過門檻尚待補件。

由包括「辜寬敏基金會、人本教育文教基金會、黑熊學院、台灣國」等70個民間團體，共同發起嘅「支援前線-NGOs響應大罷免」，今日在台灣立法院舉行記者會。

王美琇指，感謝公民團體願意站出來，成為罷團最堅強嘅後盾，共同打一場重要嘅民主聖戰；敬告國民黨執政縣市，唔好用卑劣手段，干擾、恐嚇罷團或個人，否則只會激起更大憤怒，令罷免能量更強大，正在台灣形成嘅民主大浪潮，「你哋絕對擋唔住」。

王美琇強調，台灣正面臨最危險嘅民主危機，憲法法院被凍結，藍白陣營」主導嘅國會獨裁儼然開始；藍白用最高門檻，沒收人民罷免權；通過財政收支劃分法，要慷國家之慨餵養地方樁腳；國防預算亦遭刪減、凍結，將會向美國釋放錯誤訊息、令中國有機可乘。

黑熊學院執行長 朱福銘提到，警察機關應保護人民罷免遊行權利，如果在各地濫用行政權干擾罷免「完全不可」，拒並向藍營撂狠話：要查水表嘅話，就來查黑熊學院。拒並續指，罷免第二階段每一刻都要不斷戰鬥，直至罷免成功為止。

對媒體提問「是否認為 賴總統應站出來支持大罷免」。王美琇相信民進黨會用其方式支援，並指 賴總統有自己嘅判斷，但如果佢睇唔到今次民主大浪潮，呢個執政黨就不配做執政黨；執政黨應睇到人民嘅憤怒，如果佢哋唔投入，亦會被人民唾棄。