根據《自由亞洲電台》（RFA）3月2號報導，世界維吾爾代表大會（世維會）前主席 多里坤·艾沙（Dolkun Isa）嘅阿兄 亞爾坤·艾沙（Yalkun Isa）遭新疆當局重判有期徒刑20年，其罪名係「撥打境外電話」以及「煽動恐怖主義」。上述消息得到當地公安警及 亞爾坤所任教嘅學校安保員證實。

現63歲嘅 亞爾坤·艾沙曾在 新疆 阿克蘇市嘅「阿克蘇教育學院」任教。2017年，在當局針對維族涉及教育、商業、文化等領域嘅大規模抓捕行動中，亞爾坤及其他20幾名維吾爾族教育工作者被捕。當局宣稱，此舉係為咗防止恐怖主義及宗教極端主義。一名知情者向RFA透露，有關該校被捕教師嘅報道中提及 亞爾坤·艾沙嘅名。

經RFA記者向當地公安警確認，亞爾坤係因「撥打境外電話」並「自外國網站下載信息」而被捕。該公安警表示，曾經見過 亞爾坤嘅判決書，判書中指稱：該教師因煽動組織並實施「恐怖主義」而被判處20年有期徒刑。

另名匿名嘅當地公安表示，在歷時約一個月嘅審訊過程中，亞爾坤被迫認罪吞下當局所羅織嘅罪名，逼佢承認在同 多爾坤通話時，接到有關於在 阿克蘇組建組織並實施「恐怖主義」嘅指示。

阿克蘇教育學院嘅一名保安透露，亞爾坤被移交俾國保特工審訊，該案經閉門審判後，亞爾坤曾被轉至 阿克蘇監獄。但有國安局官員向RFA透露，亞爾坤ㄧ案已移交俾刑事偵查部門處理。並有至少兩名當地官員披露，亞爾坤目前在烏魯木齊第一監獄服刑。

據介，亞爾坤在1984年畢業於「新疆大學」數學專業後，開始在「阿克蘇教育學院」任教。而其胞弟 多爾坤在2017至2024年間擔任總部位於德國嘅「世界維吾爾代表大會」主席。多爾坤表示，佢多次同阿兄通話，通常會在節日期間討論年邁父親嘅健康情況。並在2017年4月後同家兄 亞爾坤失去聯繫。

上週五，多爾坤在 推特X發文表示：今朝醒來聽到RFA 嘅報道，我嘅兄弟，數學教授 亞爾坤·艾沙遭到中國政府判處20年監禁。其唯一「罪行」就因為佢係我嘅兄弟、而且係維吾爾族！其家人及親屬因我在國外參與維權活動而受罰！新疆有千幾名維族知識分子被監禁，共產黨要我哋沉默，我哋唔會沉默！

報道並指出，除咗 亞爾坤·艾沙外，多爾坤嘅另一個兄弟 胡什塔爾·艾沙（Hushtar Isa）同在2017年被捕，並曾被捉去「再教育營」；其母親 阿依罕·麥麥提（Ayhan Memet）在2018年5月於 阿克蘇嘅「再教育營」中過世，官方宣稱佢因 「宗教極端主義」被拘留。

除此之外，中國官方嘅《環球時報》曾在2020年1月嘅一篇報道中透露，多爾坤嘅父親在2017年5月或6月被送入「再教育營」中，並在一年之後過世，死因不明。