根據台灣《中央社》24號跟進報導，根據《路透社》21號檢視豁免清單，美國總統 特朗普政府釋出先前凍結嘅53億美元外援，主要用於安全及反毒計畫，包括用於台灣嘅8.7億美元、菲律賓嘅3.36億美元。

《路透社》報導指出，特朗普在1月20號上任冇幾耐就下令，暫停對外援助計畫90日，而今次凍結經費嘅範圍極廣，包括對抗飢餓及致命疾病嘅計畫，以及為全球數以百萬計流離失所者提供庇護等。

人道組織及美國國內相關人員隨後爭相尋求豁免，以維持計畫運行。美國國務卿 盧比歐（Marco Rubio）先前表示，所有對外援助都必須符合 特朗普嘅「美國優先」政策。

盧比歐在1月底給出豁免對象包括，美國對中東兩大盟國以色列、埃及嘅軍事援助，以及包括食物及人道救命援助。代表本應使用嘅經費，因相關豁免而得以放行。

然有多名現前任美國官員以及援助組織表示，之後幾乎冇人道主義援助計畫取得豁免。《路透社》取得截至2月13號獲放行嘅另外243項豁免名單，總計53億美元被解凍。

名單上列出將獲資助嘅計畫及負責管理嘅美國政府辦公室。獲解凍經費絕大部分用於美國國務院政軍局（Bureau of Political-Military Affairs）掌管計畫，總計超過41億美元。

國務院政軍局負責監督對他國及團體嘅軍售軍援。其他豁免計畫則符合 特朗普打擊非法移民、打擊毒品流入美國等政策，包括遏阻強效類鴉片止痛劑 芬太尼（Fentanyl）走私入美。

名單顯示，安全豁免包括用於台灣計畫嘅8.7億美元、協助菲律賓安全部隊現代化嘅3.36億美元，以及為烏克蘭國家警察、邊境防衛人員購買防彈衣、裝甲車嘅2150幾萬美元。

非安全範疇嘅最大豁免項目係向美國「總統愛滋病緊急救援計畫」（President’s Emergency Plan for AIDS Relief, PEPFAR）提供嘅5億美元經費，PEPFAR主要資助非洲醫療服務。