根據《自由亞洲電台》24號報導，中國經濟走下坡，國內失業率居高不下，如何降低失業率成一大「學問」；在廣東，有網民表示去街道辦打印「失業證」，工作人員卻話「而家唔叫失業證囉！已經改叫就業創業證啦」。分析認為，中國當局已無法控制疫後失業情況，改以「政治方式」處理，減輕人民對施政不力嘅質疑。

有網民在推特X「李老師不是你老師」帳號發文稱，上周赴街道辦事處打印失業證，工作人員話「而家唔叫失業證，改名叫就業創業證啦」。佢發愣一吓隨即反應過來，原來政策同與時俱進，政府鼓勵失業人員去創業。

而事實上根據網上資料，有關措施早已實施多年，根據上海市人力資源及社會保障局網頁資料，過去比較早期稱呼係《勞動手冊》，之後曾一度被改名叫做《就業失業登記證》，如今已再次改名叫做《就業創業證》。

在「百度」搜索，亦有多條影片介紹點樣申請《就業創業證》，其中「法理縱橫」網站就指出，申請後可領取到一次性創業社保、政府職業培訓等補貼，降低創業風險，仲可以享有失業保險待遇。

「法理縱橫」就指，唔好急著去辦，因為嗰張證也亦有無數壞處，辦理流程嘅繁鎖程度令人頭疼，要準備一堆材料，仲要跑好多個部門審核。而呢張證更可能「限制你嘅就業範圍」，只可在特定行業內搵工，職業發展恐會受限。

而值得注意嘅就係，在你辦理該證嘅過程中，要提供大量嘅個人信息，萬一個資被泄露就麻煩大啦。所以辦理所謂嘅「就業創業證」究竟「是福、是禍」，都要睇吓你自身嘅情況及需求。

台灣勵志協會執行長 賴榮偉認為，失業證更名創業證，顯示當局已無法控制疫後失業情況，改以政治方式處理，減輕人民對施政不力嘅各種尖銳質疑。

賴榮偉表示，中共當局想要用呢種正面表列方式，掩蓋其失業嘅事實。因為，如果按照一般民主國家慣用嘅經濟指標呈現，中共黨政執政嘅缺失將一覽無遺。

佢續指，中共當局已經在度擦脂抹粉，用各式各樣方式模糊失業數據。而家直情將個欄位剔走，以後就冇人可用該方式，批評中共黨政治理不當等缺失，亦可有利於當局製造國內大內宣。

台灣教授協會會長 陳俐甫表示，中國並非首次遇到人民冇飯食嘅情況，但今次以改名處理，令人感覺到而家嘅領導，比 毛澤東搞人民公社都不如。

陳俐甫表示，當年共產黨、左派搞人民公社，起碼係因為有好多人冇飯食，所以就搞成大鍋飯大家一齊食，至少俾一啲完全冇飯食嘅人有口飯食，只不過係食到最後大家一齊食唔飽啫。而共產黨而家係面對即將餓死及食唔飽嘅人，其做法竟然係賦予其另一個名詞，而咁樣嘅做法比人民公社時期嘅大鍋飯仲不如。

就好似當時佢哋要推翻嘅國民黨，現時嘅中共已經淪落到同當年國民黨一樣嘅情況。當初國民黨被共產黨擊敗撤退到台灣，甚至唔夠膽話「撤退」，都話係「向台灣轉進」。賴榮偉指，失業證更名將掩蓋中國失業數據，等人唔知當地真實經濟情況，致企業無法瞭解市場實情做出錯誤決策，可能使經濟惡化加速。