根據台灣《中央社》25號報導，澳洲有關人員在政府聽證會上表示，中國軍艦在上週無預警宣布，在澳洲東部外海進行實彈演習，期間導致數十架商業航班為此改變航線。

《法新社》報導指出，本月21、22號有3隻中國軍艦，在連接澳洲、新西蘭之間繁忙嘅飛航路線下方，進行一系列海軍演習。澳洲航安機構表示，一架商業航班在 21號上晝收到中方船隻無線電，先知道中方演習嘅消息。

澳洲飛航服務公司（Air Services Australia）副執行長 柯蘭（Peter Curran）在尋晚嘅政府聽證會上表示：當時我哋完全唔知件事係真定假。柯蘭話，當時警告廣播嘅頻率，係由商業飛行員監控嘅頻率，而非澳洲飛航管制員監控嘅頻率。

柯蘭表示，飛行員發現警告明顯屬實後，後有49架商業航班被迫繞過實彈射擊區，其中部分同遇上上述情況，飛機當時已在飛行路途上。澳洲當局表示，中方演習在國際水域進行，同承認中國嘅行為符合國際法，但澳洲批評中方未適切警告就逕自進行演習。