根據台灣《中央社》18號報導，《彭博社》（Bloomberg News）輿論版專欄作家 屠貝克（Catherine Thorbecke）近日撰文話，想強迫「台積電」（TSMC）同 英特爾（Intel）建立夥伴關係，將會係一個極其複雜嘅難題。傳 特朗普政府曾要求「台積電」取得「英特爾」美國廠嘅控股權，但各方均質疑呢項要求嘅可行性。

屠貝克引述《路透社》報導寫道，華府最終可能唔會支持交俾外國企業來經營美企「英特爾」嘅美國廠，齋睇在日前破局嘅鋼鐵行業收購案，未來將發生嘅情況「可見一斑」。同時，處於行業尖端嘅台灣，有無數台灣人對此表示擔心，如果「台積電」被迫轉移其尖端技術能力，台灣在業界將會喪失其戰略優勢。

屠貝克話，在務實嘅層面來睇，「台積電、英特爾」兩大公司，在企業文化至製造營運等各方面有好大嘅唔同。「台積電」以純代工徹底改變整體產業，「英特爾」主力於製造自己設計嘅晶片。對於「台積電」，接管「英特爾」美國廠，並將該廠納入自身體系，係一件「費時、費錢、費力」嘅大事。

況且，目前難以推測該做法是否足以恢復「英特爾」嘅榮光。「英特爾」已受益於美國政府 「欲將半導體製造業帶返本土」嘅各項政策，但有關政策推進仍困難重重。「英特爾」代理共同執行長 霍特豪斯（Michelle Johnston Holthaus）近日就坦言：冇快速解方。

由於「英特爾」未能有效搭上AI人工智慧熱潮，在技術上愈來愈落後於競爭對手，舊年更創下十幾年來最低嘅營收紀錄。同「台積電」嘅強勁表現形成鮮明對比。台積電執行長 魏哲家在舊年10月曾被問到：是否有興趣收購英特爾工廠？佢對此答：冇，完全冇。

屠貝克指，有關合資嘅報導，在 特朗普主張對台灣晶片業課關稅，以利於佢意圖將半導體製造業搬返美國之後出現。但台灣並未「偷走」晶片業，而係因為其開創接單生產製造嘅商業模式，先在行業中獲得領先，矽谷一直未注意到呢一點。

屠貝克認為，上述背景相當重要，因為 特朗普慣用關稅威脅作為其談判策略，但其目的存粹係要恢復自產晶片。不過，加徵關稅冇法達成其期望嘅目標。屠貝克認為，「台積電」恐將成本轉嫁至客戶身上，特別係其最大嘅兩大客「輝達」（Nvidia）及「蘋果」（Apple）。

特朗普一直嘗試同科技界領袖維繫緊密關係，不過諸位科技界大佬恐唔會想使更多錢去買先進晶片。屠貝克認為，「台積電」代表及 特朗普團隊，應商討一個折衷方案，一個不涉及同「英特爾」建立複雜高價嘅綑綁關係。

屠貝克並舉例，「台積電」可提議對亞利桑那州現有晶片廠投入更多資金，此舉有助於滿足 特朗普所謂「重奪晶片生產」嘅目標，台積電亦可保有自己嘅技術。同其過去所講嘅一樣，在對抗北京方面，「台積電」同美國科技業，一直企在同一陣線。

屠貝克最後寫道，「台積電」嘅晶片製造能力在全球首屈一指，無數搭上AI熱潮嘅企業都要靠佢。該浪潮將使 特朗普嘅關稅威脅，睇上去更似空泛或弄巧成拙嘅行動，亦令「台積電」繼續握有重要籌碼。但有關風險依然存在，「台積電」恐因代價高昂嘅糾葛，削弱其霸主地位終至喪失優勢。