根據香港《Yahoo 新聞》19號報導，的士業界因不滿政府打擊白牌車不力，早前由多個的士團體組成「香港的士同業大會」醞釀要在3月5號罷駛，會議文件提到「要團结一致、背城一戰」。

交通諮詢委員會在今19號分別同的士業界、網約車平台代表開會，一度發起行動嘅無線電的士聯誼會主席 黃羽庭隨即宣布，有關「3.5 罷駛」嘅行動將會終止，並就事件造成社會不安向市民道歉。

黃羽庭表示，業界訴求清晰，認為白牌車係「犯法」嘅，不斷侵蝕緊的士業嘅利益，並指「檢控違法經營」係政府責任，宣稱要將個波「交返畀政府」，至於執法部能否做到阻嚇效果，要拭目以待。業界望政府執法「零容忍」，「見一單拉一單」，並將視乎今日整體會議結果，先決定下一步行動。

黃羽庭並澄清，的士罷駛行動從未落實，稱有會員在內部會議中提出罷駛，或有人將內部討論文件流出，對此佢向市民道歉指：由於呢份文件唔覺意流出咗之後，令部份市民產生不安，我喺呢度對佢哋講聲唔好意思，Sorry。

香港的士業議會主席 黃卓邦則形容，與交諮會會面結果「正面」，雙方嘅「方向及建議有建設性」，佢引述署方答應「會同業界持續溝通」，業界會提出書面建議，包括要求出租車要有認可牌照、保險，車輛須每年驗車，並形容呢啲係基本要求，望署方接納。

對於有業界提出「以罷駛逼使政府加強規管白牌車」，黃卓邦指，會上有同二十幾個的士團體溝通，有時未必能夠達致統一意見，望未來各方能求同存異，又認為現階段各方應保持溝通及克制。

交諮會主席 張仁良會後表示，網約服務及的士之間並冇矛盾，的士亦可利用網約方式，以便利市民預約的士服務，佢指出，交諮會工作小組會在聆聽各方意見後，一併考慮各方意見，並盡快向政府提交建議報告。

運輸署署長 李頌恩指，的士業界已表明唔會有罷駛行動，形容業界在會上提出有建設性意見，交諮會檢視所有意見後，將向政府提交報告，政府目標係在今年內訂立規管網約車平台嘅框架，並向立法會諮詢。

李頌恩強調，法例要求出租私家車或載客取酬車輛，須持有效嘅「出租車許可證」，過去政府一直有打擊非法白牌車嘅行動，望網約車平台在規管下，可確保其旗下網約車合法。