根據《自由亞洲電台》18號報導，中國第3隻航母「福建艦」在今年1月完成第6次海試，據最新衛星圖像顯示，中國正在大連造船廠打造第4隻（004型）航母，可能會配備4座彈射器、採用核動力，有關配置類似於美國「福特級」航母。

根據美國軍事網《The Warzone》報道，衛星圖像中顯示嘅模塊，似乎係飛行甲板嘅一部分，該圖拍攝時間在2024年5月，但近期先被公佈。在該模塊附近，可以見到「殲-15」艦載機及「Z-8」海軍直升機嘅模型。

報道稱，如該模塊上嘅線條係彈射軌，咁就表明004型航母應會配備2條腰部彈射器，以及兩個弓型彈射器，較中國目前第3隻航母「福建艦」多出一條腰部彈射器。

報道指出，預計004型航母艦載機群將包括：「殲-35」隱形機、「殲-15」改進機、「KJ-600」艦載預警機、「GJ-11」利劍隱形機，並有機會搭載各類艦載直升機及無人機。

文章指，有報道稱004型航母將採用核動力，並將賦予其無限續航能力，並可滿足日益增長嘅電力需求，如更先進嘅傳感器、電子作戰系統，甚至未來嘅定向能武器，例如「電磁炮、激光器」等。

台灣智庫「國防安全研究院」、國防戰略及資源研究所所長 蘇紫雲在受訪時表示，衛星照有其可信度，亦符合中國發展航母嘅趨勢，由改造到自建、再到正規航母，而家係放大尺寸，有機會採用核動力，層層都係中國科技發展嘅脈絡。

蘇紫雲指出，中國第4隻航母傳出搭載有4座彈射器，其實美軍嘅現役航母全都係4個彈射器，中方並冇超越美國，只不過係反映出中國嘅軍事科技「的確越來越成熟」。

中華戰略學會資深研究員 張競作表示，中國要成為全球性強權，已成為國際社會普遍認定發展方向；而核動航母武力係國際強權必備政策工具，因此問題已非北京是否要建核動航母，而係何時先啟動工程。

佢分析話，全球軍事觀察家、情報機構，全密切監視中國軍事艦船起建工程，完全唔意外。但過往無數推測亦曾失誤過，透過軍評揭露，在情報作業中「刻意投石問路」，藉此觀察造船廠是否增加隱蔽措施、警戒。以便確認該船廠是否感到洩密壓力做判斷。

張競表示：無論核動航母建造過程如何隱秘，最終仍需公諸於世。而且自建造完工、測試驗收，到真正成軍，往往要歷時好長時間，肯定好難「橫空出世」，在毫無預警信息嘅前提下，就發展完成航母編隊作戰嘅實力。