根據《自由亞洲電台》17號報導，香港面臨千億財赤，財政司司長 陳茂波16號周日在網上稱「政府工程開支將進入高峰期」，並透露「將透過發債融資確保北部都會區」，佢並指「北區項目」對香港未來發展至關重要，將會繼續上馬。

有分析形容 陳茂波只為實現政治目的，其做法「荒謬」；亦有分析認為佢「經濟無知」，港人應著眼港府盈餘，否則3年後港府財政或「災難式爆煲」。

港府下周三26號將公布新一份《財政預算案》，面臨千億財赤，財政司司長 陳茂波16號卻在Facebook發文指，為抓緊前沿科技帶來機遇，北部都會區相關工程將陸續上馬、政府的工程開支將進入高峰期。

陳茂波又指，為保「北都項目」不因公共財政狀況而受制約，政府將會透過發行政府債券融資，確保該項目對香港未來發展。陳茂波舉例些，部分先進經濟體，其政府債務相對生產總值比率「均超過百分之一百」，香港現時相關比率為9.3%，屬穩健水平。

據發展局回覆立法會議員書面質詢數，過去5年度港府基本工程開支有上升趨勢，由2019/20年度嘅654億，增至2023/24年度嘅858億。資料顯示，港府近年發債金額亦按年增加，2024/25年度預算發債額為1,200億，預計還債為242億，如非有發債所得收入，港府財赤不止目前預料嘅1,000億。

對於 陳茂波舉例所謂「部分先進經濟體」，政府債務相對生產總值比率均超過100%，財經評論員 利世民認為，該講法有問題。其所謂「先進經濟體」係自己發行貨幣，非聯繫匯率 ，不可做同比，該思維係經濟上嘅無知。其實重點係，表面上叫自己做基建債，但要問嘅係，你要還嘅錢，是否用庫房一般盈餘去還？

利世民又指，陳茂波刻意轉移視線，你話係一個基建債、專項債，咁萬一出現違約事件時，啲擔保係以基建項目資產去解決？要問你還債嘅錢係用乜錢？如果你還債嘅錢，係用基建項目收益去還，咁就屬於一個專項債，應成立Special Purpose Vehicle （特殊目的公司），由SPV去發債。專項債嘅最佳案例，就是當年機場三跑，由機管局發債，用嗰筆錢去建三跑。

利世民認為，港人唔應只重視財赤數，反更應著重財政儲備。佢預測，港府財政狀況將不太樂觀。並推估有幾個可能性，第一就係「災難式」，就係「泰國、阿根廷」嗰種爆煲；如果係「較創意」嘅處理方法，就係香港人民幣化，並非話港元同人民幣掛鈎，而係將好多無法償還嘅錢，變成以人民幣計價做資產，用人民幣去借、用人民幣去賣 ，以後香港經濟體變成「兩個貨幣同時並行」。

時評員 桑普 認為，陳茂波完全放棄《基本法》所謂「量入為出」原則「好荒謬」，因為每一個政府對於財赤，都唔覺係一件好事。而《基本法》基本意思就係量入為出 、審慎理財。由 董建華開始講，直至而家完全被拋棄。

對於 陳茂波早前同 夏寶龍會面，桑普認為 陳茂波係要實現政治目的，對中共表忠。對其證明無論點樣窮困，都不可阻礙港中之間融合 ，港中融合須要大幅加快。在「港中」，任何經濟決定都與政治有關。其決定絕非「審慎理財」，係「先洗未來錢」 ，跟著借一大筆債，到難以還債時，將引發連鎖國際金融危機。

桑普續稱，同類工程在中國亦無法扭轉經濟。類似有關工程早已導致中國好多閒置屋，無數浮而不實嘅豆腐渣工程，甚至大白象式工程。由雄安新區一路至鄂爾多斯，而家基本上全部係空地。佢並預料，港府就算發債，仍無法有大量收入，經濟問題只會越滾越大。