根據《香港電台》17號報導，保安局局長 鄧炳強近日去信《英國廣播公司》（BBC），強烈反對並譴責《BBC》所發表嘅一篇文章，並指該文章「毫無根據、歪曲事實」。據悉，《BBC》在早前刊載對潛逃海外人士 張晞晴嘅採訪。而 張晞晴被港警指涉嫌干犯《香港國安法》罪行，被警方國安處懸紅100萬元通緝。

鄧炳強在信中話，雖然《BBC》向港區政府詢問回應，但卻選擇唔在文中刊載，鄧對此感到極度震驚，並指《BBC》此舉剝奪咗讀者了解真相嘅權利。佢並指，《BBC》允許發表咁樣帶有偏見嘅文章，令人失望。

鄧炳強強調，危害國安在任何司法管轄區都屬嚴重犯罪行為。任何政府都唔會允許任何個人或實體，從事危害國安嘅行為或活動逃避懲處。其中亦包括 張晞晴在內嘅被通緝人士，不只逃往海外，更涉嫌繼續觸犯《香港國安法》。

鄧炳強重申，香港居民「享有嘅權利及自由」，「依法」受到保護。香港特區執法機構「始終根據證據」，並嚴格「依法對有關個人或實體行為採取執法行動」，並聲稱有關行動同其個人嘅「政治立場、背景、職業」無關。

鄧又強調，特區政府將竭盡全力追捕並打擊潛逃海外、危害國安嘅犯罪分子，確保違法人士無論逃多遠都會被追究。並敦促被通緝人返港自首，在庭上受審。鄧炳強又話，反對任何外部勢力企圖以威脅國安方式壞港。