根據《自由亞洲電台》13號報導,「香港民意研究所」近幾個月遭遇港警國安處嘅窮追猛打,「香港民研」13號在網上發文指,將無限期擱置所有自費研究活動,將轉型甚或結業,並強調一直奉公守法。香港民研主席及行政總裁 鍾庭耀表示,歡迎有心人士洽購或接辦香港民研。有分析認為,事件對香港政治歷史造成災難性損失。
香港民意研究所(HKPORI)周四13號在Facebook專頁、網站發文指,在重新審視未來發展路向後,即日起無限期擱置所有自費研究活動,包括自1992年開始嘅定期追蹤調查,以至近期開展嘅專題研究,並將專注籌備及執行現有委託及已開始洽談嘅項目。
有關於「你是否支持平反六四?」、「你覺得港人有冇責任推動中國民主發展?」、「請你用0至10分表示對港人身分嘅認同感」、「你對香港警務處表現是否滿意?」,上述30幾年來「定期進行」嘅民調,恐怕即將會消失在香港地。
聲明另指,「香港民研」將轉型甚至結業,主席及行政總裁 鍾庭耀歡迎有心人士洽購或接辦「香港民研」業務。鍾庭耀指出,會繼續透過世界民意研究學會推動研究,直至2026年底卸任學會執行理事。
香港民研表示,協會一直奉公守法,惟鑑於現時環境,研究所雖希望繼續推動科學民研發展,但覺舉步維艱,唯有停步。團隊望將來有機會延續有關工作,正積極檢視可行方案,適時公布最終決定。
港大民研自1993年起,每年發布「六四民意調查報告」,2023年6月該報告被港府以「風險評估」為由取消發布。同年,香港民研宣布取消公開8項民意調查結果,包括「港人中國人身分認同調查」,並將部分調查轉為內部參考或付費服務。
鍾庭耀曾於2023年7月27號指「要與時共舞」,並冇能力改變大氣候,而佢只不過係個「好卑微」嘅科學研究者。上月9號佢在記者會表示,存粹係想要留下為香港繼續堅持我哋而家嘅工作,我自認為並非要抗爭甚麼東西,而係為咗個人小小嘅堅持。無奈今日「舉步維艱,唯有停步」。
舊年平安夜,「香港民研」前副行政總裁 鍾劍華,被港府指涉嫌煽動分裂國家而懸紅通緝,當時佢正準備發起海內外港人民意研究計劃。港警國安處對香港民研先後3次採取行動,先在上月13號帶走 鍾庭耀及兩名民研職員,並檢走6箱物品;又在24號帶走兩名香港民研職員;並在27號第二次帶走 鍾庭耀。
前香港浸大政治及國際關係助教 黃偉國在英國受訪時指,北京同香港政府「根本唔想面對真實民意」。佢認為,消息對港人嘅最大損失,就係失去一個專業、中立、科學嘅民意調查機構,去作一個醫生嘅角色,幫香港嘅「政治、經濟、社會」各方面把脈。
黃偉國話:如果全部消失,我諗係對香港歷史、政治發展,更大嘅災難性損失。並表示「佩服 鍾庭耀嘅勇氣及決心」,佢話:嗰種堅持應繼續落去,當然係用更加靈活,靈巧如蛇嘅方法去做呢件事。我唔相信「夏寶龍、鄭雁雄」都唔想知道香港民意如何。
旅台時評員 桑普籲港人,支持 鍾劍華發起嘅「海內外香港人民意研究計劃」。桑普指出,民意調查係好重要嘅方向目標,好重要嘅鐵公雞。如果民調都唔俾做,所謂政治類或非政治類,敏感與非敏感嘅界線根本模糊不清,寒蟬效應恐導致民間唔狗膽做民調。
「香港民研」係香港第一個具學術背景嘅民研機構,2019年7月1號起正式獨立運作,其前身為 鍾庭耀教授於1991年6月創立嘅「香港大學民意研究計劃」。30幾年來,鍾教授一直推動科學民研。在《港區國安法》實施後,香港民研多次被建制派及媒體批評。
早在2000年,鍾庭耀就曾指控時任行政長官 董建華,透過中間人對其施壓,要求停止有關行政長官及政府嘅民調,引發社會對政府干預學術自由嘅關注。近年「香港民研」調查結果多次顯示,市民對政府不滿情緒激增。2024年5月嘅調查顯示,只有47%嘅受訪市民表示信任政府,較年初再下跌5個百分點。