根據《自由亞洲電台》11號報導，港警國安近月來多番行動，包括拘捕2人、多次帶走被通緝海外港人嘅親友「協助調查」等。警務處長在周二當日公布，國安相關法例生效以來，一共拘捕共316人。

不過，就未有公布《23條》立法後，相關條例嘅拘捕數，警方並指「國安風險、本土恐怖主義」仍存在。評論認為，國安行動目的係要「維持政治張力、達到震懾效果」；但「由治及興」恐難同時兼得。

港警國安處在舊年底再次以百萬懸紅，通緝多6名海外港人。被通緝嘅學者 鍾劍華，其親友先後被扣查，同包括1月中兩次被帶走嘅民研主席 鍾庭耀，另有 鍾劍華嘅妻子、弟妹等。周一10號被通緝嘅 劉珈汶，其親友同被帶走助查，包括其年過六旬嘅姑姐及姑丈。

港警在周二（11日）召開記者會匯報舊年香港治安情況，被問到「本港國安風險有否改變？」，警務處副處長 簡啟恩指，近月帶走海外港人本地親友助查，係依法辦事嘅一貫做法。

簡啟恩宣稱：國安風險一直存在，除咗有人竄逃海外，繼續干犯危害國安罪行，我哋覺得係好大嘅外國勢力干擾，此外，本土恐怖主義仍然存在，線上線下都有涉恐涉暴言論散布，另有一個風險就係「軟對抗」，好多人打擦邊球，用言語在網上散布不利國安訊息。

警務處長 蕭澤頤提到有關國安案嘅拘捕數，但就隻字不提關於《23條》嘅分項數。佢指《國安法》及《23條》（維護國安法）生效至舊年底，一共拘捕316人，當中約六成已被檢控。

會上另有記者問「警隊會否開源節流應付近年赤字？」，蕭澤頤並冇正面回應會否削減開支。蕭澤頤話：我哋將按《財政預算》撥款，並會善用公共資源，通過重定工作優次，作內部調配、精簡程序，從而提升效率。

時評員 劉銳紹認為，國安處近日連番行動，維持政治張力嘅效果，多於阻止案件發生。劉銳紹表示：任何包括國安等風險必然存在、我不否定，關鍵係是否可諗出更高明嘅方法，駕馭有關危險。

劉銳紹續指，外國都有其國安風險，佢哋用嘅方法就係盡量取得實際效果，同民眾安心之間做平衡。對於整體社會氣氛，所謂「由治及興」要點樣帶動？係冇可能兩全其美嘅做法，眼前可見，官方所採取嘅方法，其實可以更寬鬆。

在同一天，蕭澤頤亦赴立法會保安事務委員會匯報，10幾名提問嘅議員中，多問到在港嘅中國生，近年被詐數上升近5成等情況，對國安法相關檢控就「零提問」。蕭澤頤匯報指，2025年工作包括維護國安、聚焦防罪滅罪、確保全運會安全。