根據香港《Yahoo 新聞》6號報導，香港海洋公園5號在社交網發文，宣布推出一款鱷魚皮手錶，引起大批網民炮轟。有網民質疑，海洋公園一吓宣稱推動保育，一吓又販賣動物皮產品，並揶揄：幾時要在鯊魚館推出魚翅？

海洋公園5號宣布，同香港陀飛輪品牌「萬希泉」，推出大熊貓陀飛輪腕表，腕表配有鱷魚皮表帶「奢華舒適兼備」。海洋公園又指，該款腕表不只係件精緻配飾，「更係對大熊貓嘅一份愛」，手錶在園内「海濱禮品廊、K11 Musea紀念舖」均有售。

該文一出，隨即引起網民不滿話，「其實你地都幾癲，一面話保護動物一面用鱷魚皮」、「幾時推出鯊魚館魚翅、即叫即整？」、 「下次你不如鱷魚陀飛輪配熊貓皮？」、「有無清蒸大白鯊？」、「一路教育唔好用動物皮做產品，轉頭出隻鱷魚皮帶錶」。

海洋公園回覆《Yahoo 新聞》指，對事件深表歉意，指團隊敏感度不足，推出未能符合保育核心價值嘅IP授權產品。園方稱，該產品未有消費者購入，已即時下架，正同獲授權嘅夥伴商討採用其他物料製作錶帶。

園方指，定必汲取今次經驗，並作全面內部檢討及檢視所有自家及聯乘產品的設計、生產和採購指引，同時加強員工培訓及與獲授權夥伴溝通，確保公園營運同園區保育核心價值相符。

事實上，海洋公園本身亦有圈養鱷魚。該園舊年宣布，鱷魚「百香果」正式成為公園動物保育大使。「百香果」在 2023 年 4 月於八鄉蓮花地被發現、由漁護署交予海洋公園照顧。

「百香果」目前居住位在海洋公園入口嘅「鱷園」，免費開放予所有人，園方曾話將「百香果」養在門口，係要突顯公園對「推廣保育教育、提高大眾保育意識」嘅重視。