根據台灣《民視新聞》6號報道，在美中貿易戰開戰升溫之際，美國首先對中國進口產品加徵10%關稅生效，同時並取消小額貨物關稅豁免條款，確立所有價值低於800美元嘅貨品，都要加收關稅，消息重創中國電商在美國嘅發展。美國郵政在4號率先宣布，暫停接收來自「中港」嘅所有包裹，不過5號早又再次改口收返該政策。

美國郵政管理局日前公告，自4號起暫時停收來自「中港」嘅所有包裹，不過在短短1日時間內，在各界都未搞清楚「私營快遞」是否受影響時，政策又髮夾彎，在美東時間5號朝早美郵再次宣布，中港包裹可入境。

《CNN》即時報導指，美國郵政管理局，迅速撤回在週二4號晚「停收中港包裹」嘅公告。《彭博社》分析師認為，停收動作純粹係一場「象徵性行動」，不過亦不排除，或同 特朗普政府取消「小額豁免」嘅優惠有關。

《CNN》報導指出，特朗普總統已簽署行政命令，話要終結「小額豁免」優惠嘅貿易漏洞，其所謂「小額豁免」意指進口至美國嘅包裹，若低於800美元嘅關卡，及可免徵關稅。

過去價值不足800美元嘅商品若要輸美，可免關稅或僅需繳納特定稅款，又稱「小額豁免」優惠，適用該免稅規定嘅進口商品，自2015財政年嘅1.39億件，暴增至2023年10億件以上，其中就有三份一來自中國。

兩項措施將大大降低中國電商在全球市場嘅競爭力，令傳出美方考慮將知名「中國背景」電商列入「強迫勞動」名單。中國外交部發言人 林劍 表示：我哋敦促美方，停止將經貿問題「政治化、工具化」，停止無理打壓中企嘅行為。中國又話，堅決反對拒收包裹等政策，強調將採取必要措施反制。

不過，對於中方精神繃緊嘅強烈情緒回應，美國總統 特朗普似乎不以為意。針對中方上述回應，佢在4號話：冇問題、冇乜所謂。在對抗中國及他國方面，美國會做得更加好，適當時機再搵 習近平，但我唔急。雙方唔急於搵對方傾，美中貿易對抗似會越演越烈。