根據《自由亞洲電台》5號報導，一名39歲嘅中國男子，在澳門輸晒15.3萬港紙後，擔心難向屋企人交代，於是在農曆除夕嗰日向澳門警方報案，聲稱自己遭人打劫。澳門司警調查後識破指「有人講大話」。其後又以「涉嫌虛構犯罪」為由將佢拘捕，移送檢察院處理。

根據《澳門日報》報道，該名 郭姓中國男子報稱無業。案情指，上月28號下晝五點，司警接獲治安警轉介，指有名男子稱在當日下晝，路經路氹某賭場附近時，突然被兩男自後方按在地，之後搶去其身上15.3萬港紙現金。

司警調查後發現，郭男口供疑點重重，並揭發當時佢身上根本冇現金，亦冇佢所謂嘅「賊人」，進一步盤問後，佢承認因早前在賭場輸賭，今次嘅旅費清零，又擔心難向家人交代，於是報假案「訛稱被搶劫」。