根據《自由亞洲電台》（RFA）4號報導，一連6日的台北舉行嘅國際書展，周二4號當日正式開幕，今年台灣陸委會首次設立香港專區「夯看（Hong Kong）」，推廣香港文化，並有大概20場香港相關嘅文化講座活動。

台灣陸委會主委 邱垂正在受訪時指，香港自由消失，唔少文化工作者赴台灣展開新頁。除咗官方活動，多間香港獨立出版社、書店同越洋參展，並展出曾在香港書展被「勸喻下架」、區家麟嘅著作。

展廳內貼有復古磁磚、摺凳，嘗試打造出香港茶餐廳，在台北國際書展嘅香港獨立專區「夯看(Hong Kong)」。展區除咗以「香港風」設計，另融入香港復古風情，並設有「叮叮車」紙牌，以及唔同嘅港式店家招牌，置有約50本香港書籍，包括《消失的香港》、《政府內部的吶喊》等。

今次台北書展係台灣官方首次設立香港專區，由「台灣陸委會、台港經濟文化合作策進會、唐山書店」共同合辦，「唐山」嘅社長 陳隆昊指，啲書主要係近年在台灣出版、關於香港嘅書籍。佢話：香港人會有一個自我審查，為咗出版書都會睇得緊啲。在台灣呢邊完全冇問題，想出乜書就出乜書。

RFA日前報道指，港府將圖書館內「敏感書」下架，而台灣反成為啲書嘅「重生之地」。台灣陸委會主委 邱垂正在揭幕時指，香港嘅「自由、民主、人權、法治」正在快速消失，好多文化藝術創作者都因此來到台灣。

邱垂正話，根據而家嘅發展，香港嘅公共圖書館服務，多已將「敏感書」下架，可見香港地嘅自由度愈來愈緊縮。邱垂正並指，香港過去係一個自由樂土，台灣希望中國當局繼續維持。

除了台灣官方設立嘅香港專區，在會場另一角，同有香港出版社越洋參展。「艺鵠」聯同29間獨立細型出版社及小誌，例如「界限書店、藍藍的天、留下書舍、獵人書店」等共同擺檔，帶來超過70本在台灣較難見到嘅香港書。

今年雖非佢哋首次參加台北書展，卻係合作單位最多嘅一年。「艺鵠」經理 曾凱鈴話，書店過去未有參與香港書展，相對之下，華文書在台灣有好大市場，所以今年再參展。

曾凱鈴指出：我哋呢度多係獨立出版，大家資源少啲，未必有台灣代理及發行可幫手。要自己帶書過來台灣不易，所以透過今次在度擺檔，希望將大家出版嘅書帶來。俾台灣朋友知道，原來香港仲有好多人默默做緊唔同嘅事。

令一間香港獨立出版社「藍藍的天」，舊年在香港書展參展時被勸喻下架多本書，包括資深傳媒人 區家麟撰寫嘅《二千零四十七夜》及《最後的信仰》，嗰兩本書今次都有帶來台灣。出版社負責人 伍自禎表示：冇特別擔憂，因為在香港都照擺啲書出來賣，嗰幾本書在其他書局都有賣。我哋覺得冇乜問題。

今次台北書展期間，有唔少港人文化講座活動在「夯看香港」專區進行，包括 潘源良太太 Rita Ip 嘅新書《失眠兔》嘅簽書會，以及前電台主持、香港史學家 柴宇瀚，將會主講「香港『第三勢力』及移民潮」等演講活動。