根據台灣《中央社》5號報導，美中關稅戰展開，中國官媒《人民日報》今日頭版頭以「全方位擴大國內需求」為題報導指，「擴大內需」係當前及今後一段時間「中國經濟工作」嘅重要任務，同有利於化解「外部衝擊」及「外需下降」帶來嘅影響。

《人民日報》文章指，2024年中央經濟工作會議在部署2025年重點任務時，將「擴大國內需求」擺在首位，強調「大力提振消費、提高投資效益、全方位擴大國內需求」。

文章續指，當前中國面臨「國際環境複雜嚴峻」，國內需求不足等挑戰仍較大。擴大內需「非權宜之計」，而係「戰略之舉」。著力擴大國內需求，係當前及今後一段時間內，經濟工作嘅重要任務。

中國國務院「發展研究中心」、市場經濟研究所二級研究員 王微在文中表示，透過國際經驗來睇，大國經濟嘅特徵多係內需主導、內部可循環。

佢並指，環顧全球，包括「美德英」等國，在人均GDP突破2萬美元時，內需結構均表現出「內需主導、消費引領」嘅特徵。中國內需不足、消費率較低，更加凸顯「擴大內需」嘅戰略意義。

中國社科院「財經戰略研究院」研究員 依紹華表示，擴大國內需求，有利於化解外部衝擊及外需下降帶來嘅影響。當前世界經濟復甦乏力，貿易保護主義、單邊主義、地緣政治衝突交織，加大世界經濟運行嘅不確定性，為外需帶來唔小嘅困難及挑戰。

依紹華表示，在當前嘅大背景下，實施擴大內需戰略，係中國積極應對國內外環境變化、增強發展主動性嘅長久之策。