北京芭蕾團赴美《過年》 美議員質疑搞政治大外宣
北京芭蕾團赴美《過年》 美議員質疑搞政治大外宣

根據《自由亞洲電台》3號報導,中國中央芭蕾舞團賀歲舞劇《過年》,獲安排在近日嘅中國農曆春節期間,在美國華盛頓嘅知名藝術表演場「甘迺迪中心」(John F. Kennedy Centre)演出,但遭美國國會議員質疑該演出為中共搞「政治傳宣」。而中方就否認上述指控,並稱「完全冇根據、荒謬可笑」。

 

排練場位於北京嘅「中央芭蕾舞團」簡稱「中芭」,該團於1959年成立,曾出演過包括《紅色娘子軍》在內嘅多套紅色愛國舞碼,並被視為中國芭蕾舞團業界領先嘅舞團之一。其名為《過年》嘅舞劇,於今年1月29號至2月2號在美國甘迺迪中心上演。

 

《央視》報道指,在今次演出前,中國駐美大使 謝鋒曾經致辭稱,相信這呢場中西交融嘅藝術盛宴,會展示中國獨特嘅韻味,並再次證明中美人民對美嘅追求、對藝術嘅熱愛、對美好生活嘅嚮往係相通嘅;並期待中美架起更多文化藝術橋梁,「將兩國人民拉得更近」。

 

《美國之音》報道,美國眾議院「中共問題特設委員會」主席 穆勒納爾(John Moolenaar)及共和黨籍眾議員 史密斯(Chris Smith)曾去信甘迺迪中心,對中央芭蕾舞團參與演出表示擔憂。信稱:中國將藝術「作為一種政治工具」,用於在海外進行宣傳,而該芭蕾舞團係中共「政治機器」嘅一部份,部分高層甚至同中共有關。

 

信中指,在中國冇藝術表達嘅自由,「中芭」受中共控制,利用演出向美國民眾展示「友好外表」,卻同時迫害同中共路線立場相左嘅作家、藝術家,並列舉多名因政治言論確遭北京封殺嘅中國藝術家,例如:劉四仿、徐琳。

 

信中要求甘迺迪中心澄清,4400萬美元嘅國會撥款「是否被用於資助中共宣傳」,並「暗中認可」習近平對藝術家、知識分子嘅種種打壓。對此,甘迺迪中心否認動用聯邦資金支持演出,並為接待「中芭」一事辯護,稱今次邀請係「文化外交」努力嘅一部份。

 

中國駐華盛頓大使館發言人 劉鵬宇對外否認指控,並稱「完全冇根據、荒謬可笑」,並強調「中芭」係世界著名嘅芭蕾舞團,今次係「文化對話」嘅光輝典範,促進「中美」兩國人民間嘅相解。並反問:如果正常嘅人文文化交流都被政治化妖魔化,咁樣係不幸嘅。

 

報導指,今次非「中芭」首次在甘迺迪中心亮相,在過去20年來已三度在同地登台演出。保衛民主基金會(FDD)中國問題高級研究員 皮卡斯克(Nathan Picarsic)認為,美國社會及文化機構需注意有關風險。

 

皮卡斯克直指:有關團體顯係中共盤算嘅一部份,中共以為可以透過甘迺迪中心等全球機構博取好感,展示中共意圖塑造嘅形象。不過北京在呢方面,缺乏俾美國文化及社會影響力「進入中國境內」嘅互惠措施,美國及社會文化機構唔應「單方面接受中國做法」。

發佈時間: 2025年02月04日 13:04
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.