塔利班搵習爸爸討紅包 瓦罕走廊公路要中國俾錢
塔利班搵習爸爸討紅包 瓦罕走廊公路要中國俾錢

根據《法廣》2月2號報導,在塔利班武裝奪權三年幾後,阿富汗嘅整體經濟依然衰敗,在國際舞台上持續被孤立。不過傳塔利班政府制定咗一項計畫,要將該國最偏遠嘅一角變成全球貿易中心。據美媒《華盛頓郵報》報導,塔利班政權希望修建一條「瓦罕走廊公路」,即係穿越阿富汗至中國嘅最東北部狹長崎嶇地,要將阿富汗腹地同中國連接起來,意圖創建成為國際商業中心。

 

如果公路建成,將可繞過巴基斯坦,大大縮短中亞及中國之間嘅旅行時間,並有可能促進稀有礦產「鋰、鈷、黃金」等其他資源嘅貿易。公路支持者認為,隨著中國推進建設現代版絲綢之路嘅「一帶一路」計畫,建立陸路、海路洲際網,公路將推進阿富汗重返多年前在絲綢之路嘅中心位。塔利班「商業及工業部」發言人 賈瓦德(Abdul Salam Jawad)表示:瓦罕係計劃嘅其一部分。

 

塔利班表示,其最初任務將會在中國邊境以西鋪設一段30英里長嘅土路,但目前仲有200英里長嘅土路,大部分路面未有鋪設車行路面,亟待改善。最終,呢條道路將會需要建造耐久嘅橋樑,並消除在漲水時無法通行嘅過河通道。

 

反對者認為,建公路容易成為一條不歸路。商業成像公司「Maxar」提供嘅衛星圖顯示,在阿富汗邊境一側,自舊年8月以來,瓦罕走廊嘅瓦罕基爾山口,未有進行任何新建設,已完工嘅路段其末端係崎嶇不平嘅地形,距離邊境不足半英里。

 

阿富汗最東北 巴達赫尚省嘅新聞部主任 阿米里(Zabihullah Amiri)在受訪時坦承:政府並冇足夠預算,並希望中國提供幫助。自塔利班接管阿富汗以來,中國多間公司已達成無數在當地開採稀有礦產嘅協議。即使塔利班聲稱中方渴望合作,並通過瓦罕走廊促進貿易,但中企至今仍未參與大型基建項目。

 

該項目及其國家經濟同面臨相同挑戰,另外塔利班更加強咗對婦女、女童嘅限制,使阿富汗在經濟上處於孤立狀態,無數外國政府、跨國公司、國際機構,都不願意在壓制條件下進行投資。加上伊斯蘭激進分子仍不斷發動襲擊,更不時將中國客作為襲擊目標,有關安全問題仍係阿富汗發展所需面對嘅嚴重問題。

 

近日《華盛頓郵報》記者自阿富汗首都 喀布爾出發,親赴 瓦罕走廊進行探索,發掘會影響公路項目嘅多項因素。迄今為止,該公路大部分工程仍在中國邊境進行。衛星圖顯示,即使近日已鋪設小部分路面,改善現有道路,並在邊境增設崗哨。不過 塔利班官媒將注意力集中在道路阿富汗一邊。

 

在喀布爾,上述有關新聞激發人民嘅熱情。39歲嘅 薩基布(Abdul Jabar Saqib)預料中國商人將會大舉湧入,並為此積極做準備。薩基布啱在 喀布爾市中心開設一間中餐館,並計畫在市內多地開設分店。同時間,近日抵達喀布爾機場嘅遊客,多會見到近日開業嘅一間中國酒店嘅廣告牌。

 

塔利班內政部發言人發言人 卡尼(Abdul Mateen Qani)話,內政部代理部長 哈卡尼(Sirajuddin Haqqani)近日會見中國駐阿大使,討論 瓦罕走廊議題以及加強貿易關係等。報導指,截至目前為止,需求似乎主要由能可以承擔風險嘅公司推動。

 

不過有部分長期在 喀布爾經商嘅中國商人表示,自塔利班接管喀布爾以來,在喀布爾創業嘅中國人數量實際上有所減少,其中有部分人對投資安全表示擔憂。

 

位於喀布爾嘅一名外語教師透露,最初學中文嘅熱潮已消退。對有限嘅合格口譯工作,人員並不短缺。佢因為擔心失去中國資助,匿名對媒體表示,赴中國學習嘅獎學金,有關申請被中國政府大量拒絕。唯有少數中國建築業宣稱「有興趣招聘初級畢業生」,在當地從事道路建設或採礦項目。

發佈時間: 2025年02月03日 13:12
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.