根據台灣《中央社》24號報導，香港美國商會一項調查顯示，該會有67%嘅受訪會員預期「美中關係將會惡化」。此外，85%受訪者認為，如果港府更加重視經濟，而非搞什麼「國家安全」，或可更有效改善美港關係。

香港美國商會近日發布「2025年商業信心調查報告」，問卷發送俾超過500間公司嘅高層代表，回覆率為18%。報告指，回覆嘅會員幾乎一致認為，積極嘅美中關係對其企業至關重要，該議題將成為企業今年最關注嘅問題。

而調查結果顯示，67%受訪者預期中美關係將會惡化，25%預期兩國關係將維持穩定，只有8%希望兩國關係可改善。對於美方限制美企在中國投資，47%受訪者預計將對全球商業營運產生不利影響，36%考慮重新評估在中國嘅長期商業策略，32%表示未來將暫停在中國投資。

不過，整體來講，76%受訪者對2025年嘅商業前景維持中立態度有43%，樂觀態度有33%，24%表示悲觀。在香港業務上，69%受訪者認為，港府能有效解決商界關注問題並掌握機會，另有79%受訪者表示無意將總部遷出香港。

此外，70%受訪者聲稱，營運未受港版國安法或國家安全條例（基本法23條立法）嘅不利影響。然有85%受訪者認為，如果香港政府更重視經濟而非國家安全，或可更有效改善美港關係。該調查在舊年12月至今年1月進行，係美國商會嘅年度活動，旨在了解會員對香港商業前景、商業環境、法治、中美關係等問題嘅睇法。