根據《香港01》23號報導，美國總統 特朗普（Donald Trump）周三22號再次將 也門（Yemen）胡塞武裝組織（Houthi）重新定性為「外國恐怖組織」（Foreign Terrorist Organization）。此舉意味着，該組織將遭到美國更嚴厲嘅經濟制裁，以回應其對紅海商業航運嘅多次襲擊。

白宮在一份聲明中表示：胡塞武裝嘅活動，威脅到美國平民及人員在中東嘅安全，同樣威脅到我哋最親密夥伴嘅安全，以及全球海上貿易嘅穩定。

控制 也門大部分地區嘅 胡塞武裝，自2023年11月以來，對往返紅海嘅船隻進行咗一百幾次嘅襲擊，佢哋聲稱此舉係要聲援巴勒斯坦，反對 以色列在 加沙地帶對 哈馬斯（Hamas）嘅戰爭。

但有關襲擊擾亂咗全球嘅航運，迫使各公司在一年幾嘅時間內都要改道，選擇繞行非洲南部，甚至更改貨船款式改道巴拿馬航線，航線更長亦更加昂貴。

2021年1月，時任 特朗普政府將 胡塞武裝列為「外國恐怖組織」及「特別認定全球恐怖分子」實體。同年2月，新任嘅 拜登政府以「也門人道主義形勢嚴峻」為由，撤銷上述認定。

舊年1月，拜登政府又再宣佈將也門胡塞武裝重列為「特別認定全球恐怖分子」實體，但就未有恢復「外國恐怖組織」嘅相關認定。按美國國務院及專家嘅講法，「外國恐怖組織」嘅制裁力度，較「特別認定全球恐怖分子」實體更大。

曾在 特朗普第一任政府擔任近東事務嘅助卿David Schenker表示，特朗普周三嘅舉措，顯係要針對佢所講嘅「伊朗在中東嘅主要代理勢力」即係「胡賽組織」，採取新一輪早期回應措施。