根據台灣《民視新聞》23號報道，著名台灣政論節目「關鍵時刻」，在華語電視政論圈屹立18年有餘，並在「港澳、中國、全世界」等華人圈收編咗一批忠實粉絲。不過節目主持 劉寶傑，即使長年為中國經濟助攻唱好，仍不改其批判態度，近年對中國經濟體制多有批判，因此在舊年遭中國政府指控「惡意詆毀」而被列制裁對象。

該節目主持被制裁後，又遇上近年親中派在台灣失勢，台派、華派迅速崛起，節目嘅既定親中立場最終不敵觀眾風向改變，收睇觀眾群大量流失，致收視率長期不如預期。而節目嘅製播單位《東森》，高層對此頗有微詞，並多次檢討主持人，故近日傳出 劉寶傑突然請辭主持18年嘅政論節目，令台灣各界不勝唏噓。

對於 劉寶傑突然請辭「關鍵時刻」，外界盛傳其中主因就係收視率輸俾由《三立》製播、李正皓主持嘅節目「新台派加油」，因此遭遇高層檢討。曾在「關鍵」做咗11年來賓、同被中國制裁嘅經濟專家 黃世聰表示，寶傑嘅收視「唔係真輸」，劉寶傑係一個工作狂，但佢確實需要休息一陣。不過，相信江湖再見嘅時間「唔會太耐」。

黃世聰表示，自己在「關鍵」嘅11年來，由角落小配角一路至今日固定嘉賓席，眼見好多來賓來來去去。其節目內容可傾外星人、政治、經濟，由內子宮講至俄烏戰爭、疫情，更因為唱衰中國經濟、報導中國社會百態，導致「關鍵」嘅我、寶傑哥、「新台派」正皓等人被中國制裁。

黃世聰並透露，劉寶傑係認真嘅主持，節目由頭至尾全盤掌控，可隨時推翻題目或在錄影中任加內容，更因為「紅嘅罵、綠嘅罵、藍嘅罵、白嘅都罵」將各路朋友都得罪曬。日日全心全力做節目，閱讀大量資料，更會指導新人點呈現。所以，對今日《三立》李正皓嘅亮眼表現，相信都係欣慰嘅。

《民視》報導指，媒體人 劉寶傑主持嘅老牌政論節目「關鍵時刻」開播18年來，為觀眾留下包括「寶傑你怎麼看、真的假的、嚇死我了寶傑」等笑爆觀眾嘅經典台詞，加上其浮誇嘅主持語氣，深受台港澳中觀眾喜愛。23號當日傳出佢已經迅速退出節目製作Line群，令節目組措手不及。

對此，《東森電視》亦發出聲明證實，指今年係「關鍵時刻」主持 劉寶傑進入《東森》工作滿20年，佢在2年前就已規劃約滿後將暫時休息，而目前係佢嘅年假時間，年後將會暫別螢幕，《東森》感謝觀眾多年支持，亦祝 劉寶傑未來一切順利。傳接棒人選呼聲最高嘅係主播 張炤和。

另據《三立新聞》報導，「關鍵」節目工作人員透露，劉寶傑往年都會在年前放長假、請代班主持上陣，會在群組消失一段時間都好正常，突然嘅辭職令大家震驚萬分。劉寶傑曾透露，自己想做報社主筆，後因主跑前總統 陳水扁線，先踏上做政治節目嘅路，「關鍵時刻」成政論節目嘅鼻祖，亦開啟20年專屬於佢嘅「寶傑時代」。