根據香港《明報》23號報導，美國總統 特朗普在上任後，第一件事就係赦免2021年國會山莊騷亂嘅參與者，但其中有名71歲老婦Pamela Hemphill在日前接受《BBC》訪問時稱，佢拒絕 特朗普嘅赦免，因為「我哋嗰日做錯咗」。

Pamela已認罪，並已入獄服刑60日。佢向《BBC》表示，唔應該赦免國會山莊騷亂參與者，「接受赦免係侮辱國會警察、法治，當然亦侮辱咗我哋嘅國家」。佢話，當年認罪係因認為自己的確有罪，又指「接受赦免會助長啲人嘅情感操縱及虛假陳述」。佢認為，特朗普政府試圖「篡改歷史」，而佢唔希望成為其中一部分。