根據台灣《中央社》22號報導，英國《金融時報》（FT）在當日援引兩名西方國家嘅安全官員情報指，有兩隻運載飛彈推進劑原料嘅伊朗貨船，將在未來幾週內自中國駛向伊朗。

《金融時報》指出，懸掛有伊朗國旗嘅Golbon號及Jairan號，預計將會載運超過1000公噸嘅「過氯酸鈉」。「過氯酸鈉」被用於製造「過氯酸銨」，而「過氯酸銨」係飛彈固體推進劑嘅主要成分。

報導指，「過氯酸銨」受飛彈技術出口管制協議（Missile Technology Export Control Regime）管制，屬於管控化學物之一。兩名官員表示，今次運輸嘅「過氯酸鈉」量，足以生產960公噸「過氯酸銨」，可製造1300公噸推進劑，為260枚伊朗產中程飛彈提供燃料。

報導另指，啲「過氯酸鈉」係要運俾伊斯蘭革命衛隊（Islamic Revolutionary Guard Corps），裝有呢種化學物嘅34個6公尺貨櫃，據悉已裝載至其中一隻Golbon號，並在尋日自中國岱山島出發。據悉，另一隻Jairan號預計將在2月初載運22個貨櫃，離開中國返去伊朗。

兩名官員向《金融時報》透露，呢兩隻隸屬於伊朗實體嘅船隻，料將會在唔停靠任何其他港口嘅情況下，歷經3週航行盡快抵達伊朗。兩名官員令指，啲化學物在上海以北嘅「太倉港」裝載至Golbon號上，目的地係波斯灣伊朗南部嘅 阿巴斯（Bandar Abbas）。

報導指出，根據船舶追蹤服務網「Marine Traffic」數據顯示，Golbon號在岱山島外海停留至少幾日後，21號已離開上海。「Marine Traffic」航線顯示，Jairan號今日清晨嘅最新定位，顯示在浙江 寧波嘅海岸，在岱山以南約75公里處。

報導表示，兩名官員無法透露北京是否知道呢啲貨物。2023年，美國對「中國、香港、伊朗」多個個人、實體實施制裁，其中包括伊朗駐北京武官，原因係有關人士涉及協助伊朗嘅彈道飛彈開發，並作為開發嘅關鍵參與者，協助伊朗取得零件及關鍵技術。