根據《自由亞洲電台》21號報導，在美國總統 特朗普重申要接管巴拿馬運河之際，巴拿馬政府宣布，將對擁有運河兩端港口經營權嘅企業「巴拿馬港口公司」（Panama Ports Company, PPC），即係由港商「長江和記實業」所持有嘅子公司，在續約過程中有否損害到巴拿馬國家利益，展開全面調查、審計。

PPC係總部位於香港嘅「長江和記實業」其旗下嘅子公司，負責管理及營運巴拿馬運河兩個重要港口，即係「巴爾博亞」（Balboa）及「克里斯托巴爾」（Cristobal）；PPC在1998年獲得兩個港口嘅特許經營權，在2021年再次自動續約25年，惟續約條件被外界認為「對巴拿馬十分不利」。

報導指出，巴拿馬政府持有PPC一成嘅股份，但巴拿馬審計長 佛洛雷斯（Anel Flores）對此批評指，PPC帶俾巴拿馬嘅經濟回報「非常微不足道」，即使每年全球大概有3%嘅貿易運輸經由巴拿馬運河通過，巴拿馬並未能從中受益。

佛羅雷斯表示，當局在周一20號已經派出審計小組，前往PPC位於當地嘅辦事處，徹查該公司是否有依規定履行合約，以及合約獲益是否有利於巴拿馬嘅整體經濟收益，以確保公共資源使用效率及透明度。

當地媒體分析，巴拿馬同中國在2017年建交後，中國企業迅速在當地擴展業務，尤其在基礎建設、物流、能源等領域，而掌控巴拿馬運河港口嘅PPC，更被視為係中國在巴拿馬經濟滲透嘅重要據點，目前，巴拿馬已經出現要求要收返港口管理權嘅聲音。

啱就職嘅美國總統 特朗普，在就職演講中提到要奪返巴拿馬運河，佢話：「中國正在營運巴拿馬運河。我哋並冇將運河交俾中國，我哋係交俾巴拿馬，而家我哋將會收返運河」。

雖然巴拿馬總統 穆里諾（Jose Raul Mulino）再三強調，巴拿馬運河係該國象徵，不容外國干預，但今次大動作針對經營運河港口嘅企業展開調查，仍被視為係當局回應美國近排嘅強力施壓。