根據台灣《自由時報》22號報導，藍白立委聯手大刪中央政府總預算，意圖癱瘓政府運作，引爆台灣民眾怒火。前聯電董事長 曹興誠今日邀請召集全台罷免團體，共同成立「反共護台志工聯盟」，呼籲民眾出來罷免毀憲亂政嘅藍營國民黨立委。曹生強調，一定要出來罷免啲「賣台內奸」，並批民進黨所稱嘅「當家不鬧事」，嗰種心態係「當家唔管事」，如果民進黨唔出來支持，就係國民黨嘅傀儡。

曹興誠表示，眼前可見嘅國會亂象，在中共眼內一啲都唔亂，甚至可以話係精心策劃、按步就班，利用國民黨、民眾黨要弱化台灣嘅統戰成果。曹生指，美國前國務卿 萊斯曾公開話，中國嘅做法係透過遙控「親中勢力」，由內部顛覆台灣政權。2021年法國M6電視台製作專題報導中國對台嘅民主威脅，分析台灣現有嘅親中勢力就係「北京嘅特洛伊木馬」。

會上另名主持指，「親中共嘅國民黨，並非威脅民主嘅唯一政黨，台灣仲有中華統一促進黨。透過跟拍佢哋嘅辦公室，大家先可了解中共嘅長臂如何入侵台灣，以及點樣對台灣民主造成危險」。曹興誠並提到，萊斯嘅睇法發表後，國民黨仲遮遮掩掩，不肯承認自己是親中政黨；但去年4月國民黨團總召傅崐萁公開率領國民黨16名立委，集體前去北京參拜中共政協主席王滬寧，已經完全不避諱就是親中政黨。

曹興誠批評，國民黨親共賣台，在國際上已經係普遍認知，但在台灣仲有好多人盲目支持緊國民黨，因為啲人一直都遭遇國民黨嘅誤導及欺騙。曹生指，2018年中共修改憲法，主張「台灣係中華人民共和國不可分割嘅領土」。就這樣在其國內法律上沒收咗台灣人嘅領土，並消滅咗中華民國嘅存在。

曹興誠進一步話，中共領導人 習近平在2019年話，九二共識係「海峽兩岸同屬一個中國」嘅共識，一個中國指嘅係中華人民共和國。認同中共嘅九二共識，就係背叛中華民國。國民黨同中共交流，冇可能帶來兩岸和平。

曹興誠強調，「反共護台志工聯盟」由不分藍綠、不分黨派嘅志工成立。我哋認爲，台灣嘅藍綠對立，係中共同國民黨長年統戰挑撥造成。藍綠彼此並非敵人，中共先係大家共同嘅敵人。話自己係藍嘅卻不反共而親共，係藍色染上紅，變成邪惡嘅暗紫色。

曹興誠痛批，在立法院毀憲亂政嘅國民黨立委，唔反共卻投共，所以佢哋不配稱為藍，而係紫色立委。佢哋不僅背叛咗中華民國，仲甘願充當中共侵略台灣嘅先鋒隊，做砸爛台灣嘅紅衛兵。大聯盟第一件要做嘅事，就係「藍、綠」大聯手，驅逐紫色立委。

曹生強調，所有台灣公民應不分藍綠，勇敢企出來連署，投票、罷免「叛國賣台」亂政嘅紫色立委。一定要出來罷免啲「賣台內奸」，民進黨對於罷免嘅態度係「當家不鬧事」，但放任在野黨亂政，其實係「當家不管事」，若民進黨唔出來支持罷免，就係國民黨嘅傀儡。