根據《星島日報》21號報導，營運兩年幾嘅大灣區航空目前只有8架波音737客機，早前突然取消多班前往「日、韓」等地嘅航班。以飛日本「米子、德島」航線最為嚴重，其中韓國首爾線在2月中起，只有個別日子可買到機票，3月起更未有再售票。

大灣區航空回覆傳媒指表示，由於已訂購嘅新飛機付運延誤，加上機隊個別客機到期進行定期檢查，影響整體航班編配，故個別航班需取消，就此向乘客致歉。公司已主動聯絡受影響乘客，為佢哋安排改機票或退票，並豁免有關手續費用。

灣航指，部分航班因故取消，公司謹此向所有受影響的乘客衷心致歉。並明白航班改動會為已購票乘客帶來不便，因此主動同乘客聯絡，以安排改票或退票事宜，並豁免所有相關費用，望盡量減低對客戶行程造成之影響。亦已增派人手，期加快處理票務安排。