根據台灣《鏡新聞》18號報導，東南亞詐騙案層出不窮，近期又爆出一樁駭人聽聞事件。上海某私募投資經理爆料，上海有間啱倒閉嘅「威爾士」健身房，有30幾名員工疑似遭大區經理以「泰國團建」為名騙至海外，淪為詐騙集團「豬仔」，消息在網上瘋傳。

多間中媒報導指，上海某私募投資經理發文透露，自己嘅朋友原計劃接手位於上海番禺路嘅「威爾士」健身房，然卻有消息傳出，呢間啱先倒閉嘅健身房，其店長及30幾名員工竟被當作「豬仔」賣掉，感概「奴隸貿易又再次興起來了」。

微博有部分網友指出，呢間健身房早在舊年就出現經營不善跡象，多地分店相繼傳出合併、停業等消息。知情人士表示，番禺路呢間門店早在舊年8月就已經關閉，區經理隨後帶著店長及部分員工前往深圳另一間分店工作，幾個月後就以「年底獎勵員工旅泰」為誘餌，將多人騙出國並落得被販賣嘅下場。

網路並流傳一則令人心碎嘅求救訊息，一名身陷緬甸 妙瓦底（Myawaddy）阿波羅園區嘅健身房員工，以代號「希特勒」為名向外界求助。佢表示自己被逼加入名為「左洆集團」嘅組織，並透露其家人嘅聯絡方式，懇求家人可設法營救，並警告如果消息走漏「我會被打死」。