根據台灣《中央社》16號報導，近日英國有份報告，揭露關於當地醫院不堪負荷嘅情況，有患者死於走廊多時先被發現，有產婦在半公共場合做流產手術，而相鄰病患相互沾染嘔吐物等駭人場景屢見，加劇英國公立醫療體系深陷危機嘅爭論。

《紐約時報》指出，上述駭人景象只屬「皇家護理協會」（Royal College of Nursing），即英國護理人員工會 16號所發布報告嘅一部分內容。護理師在報告中描述，當前各醫院量能不堪負荷危機，令「國民保健署」（NHS）轄下公立醫療照護品質、病患隱私及尊嚴瀕臨瓦解。

皇家護理協會秘書長 藍傑（Nicola Ranger）在聲明中指：弱勢群體尊嚴遭剝奪，護理人員則無法得到重要嘅救人設備。仲話英國嘅醫護人員現已達「崩潰邊緣」。460頁嘅報告中，內有2024年12月18號至今年1月11號共5400幾位匿名受訪護理師嘅證詞。協會發言人表示，該協會允許成員匿名表態，以維護各位會員暢所欲言，唔使害怕被雇主報復，又可以保護病患隱私。

報告中描述，有到院並待做心肺復甦嘅病患，須待護理師艱辛穿過狹窄擁擠嘅走廊，先可以及時趕抵。多名護理師表示，病患必須忍受唔衛生嘅醫院環境，部分相鄰病患身上，甚至會沾染彼此嘅嘔吐物，大小便失禁嘅患者，可能就地在走道上接受清潔，全無私隱可言。

而低劣嘅醫療環境，對垂死病患嘅衝擊尤為顯著。報告指有病患只可被迫在狹窄、繁忙嘅場合，獨自面對死亡，完全冇臨終安寧可言；有護理師話，遇過患者已死在走廊幾粒鐘，之後先被人察覺。報導指，英國國民保健署一直難以招募或留住年輕人才，呢份報告嘅出爐，無疑係又一次嘅雪上加霜。

無數接受協會訪談嘅護理人員表示，無法在適切環境為病患提供有尊嚴嘅護理，令大家士氣低落，其中一名護理師，每日甚至要在走道及人滿為患嘅空間，照顧大概40名患者。資歷較淺嘅醫生，已為抗議低薪及長時間工作而罷診。

近年英國護理師同有多次罷工，要求加薪、改善工作條件、幫忙解決人手嚴重不足等問題。報告中有護理師表示「身心俱疲」，決定離開公立醫療體系。

在2010至2024年保守黨執政期間，英國嘅醫師、護理師等長期面臨諸多挑戰，包括國民保健署長期投資不足，令佢哋已難以照料全英近7000萬嘅人口。

英國「急診醫師工會-皇家急診協會」（Royal College of Emergency Medicine），主席 鮑以爾（Adrian Boyle）醫師係幾位聲援護理師嘅英國名醫之一，佢話護理師們嘅證詞令人「深感不安」，並直言當前危機已達紅線。

鮑以爾表示：造成嘅代價顯而易見。護理師們「流淚、沮喪、憤怒」，部分人甚至索性要放棄職涯，因為佢哋已無法再面對每日返工，卻得唔到匹配護理嘅軟硬件環境。呢份報告赤裸裸呈現醫院嘅窘境，在報告發布前幾個月，已有另一份一樣轟動各界嘅報告，直指英國國民保健署已病入膏肓。

舊年9月一份英國政府委託嘅報告發現，英國病患而家苦於要等候幾小時，先得以等到治療，而醫師工作時，冇足夠嘅醫療設備，醫院空間不足。報告發現，全英民眾當前對公立醫療嘅滿意度，正處於「史上最低」階段。

先前嘅武漢肺炎疫情，加劇醫療體系嘅挑戰，並已引發體系內嚴重失能嘅論戰。國民保健署嘅 沉疴，就係工黨在舊年英國大選取得壓倒性勝利嘅關鍵之一，就係因為有好多英國人，將醫療服務失能歸咎於保守黨政府嘅撙節措施。