根據海外揭真媒體《大紀元》17號報導，近日江蘇省 蘇州市 常熟一名男子，駕駛其寶馬車在省道行駛時，遭遇後方貨車追尾撞入前方嘅貨車車底，其車前半部全被壓扁，車主離奇僅受輕傷，在網上引發各界關注。

1月15日，該名寶馬車車主 龔生 向《紅星新聞》透露，事故發生在1月7號午。在一般情況下，佢多會同貨車保持距離，不過嗰日由於事發地前正有施工，而佢轉入另一條車道、尾隨一架貨車行駛。

跟住就在後視鏡見到有架貨車，在後方朝自己度撞過來。瞬間佢眼前一黑，後方大貨車一次就將佢撞入貨車底。等爬出來後，又見到自己嘅車，前半被完全壓扁，當時前車司機見到佢活著爬出來都被嚇到，問咗句：你點樣出來嘅？

而事主在嗰陣時先真正意識到，在車禍嗰瞬間，佢感覺到車座椅放平，然後自己瞓低在座椅上，先閃過呢一劫。經過檢查，龔生被確定僅膝頭哥扭親、額頭髮紅，冇乜大事。

佢話，可能係前車車底有個備胎，自己架車被撞後，將前車備胎撞倒，因此先起到一定嘅緩衝作用，再加上自己架車本身都起到一定安全保障作用，可話係「運氣比較好」。

1月9號，龔生將自己遭遇嘅交通事故，並配上現場照片圖文，發至網上。照片中，佢所駕駛嘅寶馬X5，車輛前半部分幾乎已完全損毀，滲在一架貨車底；車尾嚴重變形。網民見後嘖嘖稱奇話：你祖上積德啦！你肯定積大德！命真大。