根據《法新社》16號報導，網戀騙案不斷發生，外媒透露有名53歲、任職室內設計師嘅法國婦人Anne，在社交平台愛上假冒荷里活男神 畢彼特（Brad Pitt）嘅騙徒，而一愛就「出事」，更要報警收場！

Anne喺上星期現身新聞節目《Sept à huit》講出經過，事緣佢在社交網分享咗一張法國滑雪之旅嘅相後，就收到自稱係 畢彼特媽媽嘅人send來訊息，後再收到自稱係 畢彼特本尊嘅訊息。

Anne之後就同呢名「畢彼特」透露，自己同富豪丈夫經歷緊艱難時刻，而雖然Anne起初係有懷疑對方嘅真偽，但佢每日收到「畢彼特」嘅貼心訊息、影片，好快就卸下防備。

而冒牌 畢彼特同相當進取，佢同Anne求婚，當Anne話希望同富豪老公離婚、得到巨額贍養費時，冒牌 畢彼特就在社交網po文表示，急需資金進行腎臟癌手術，仲send埋唔少AI病床照，Anne一心為救人，當然乖乖畀錢。

而冒牌 畢彼特更相當「長情」，同Anne傾足兩年，同時亦呃得好和味，最後Anne共被呃走83萬歐元（約665萬港元）。而Anne之所以如夢初醒，係因為見到真正嘅 畢彼特同新女友Ines de Ramon出席活動嘅報導，先知自己一直被呃。⁩