根據海外中媒《新唐人》14號報導，近日黑龍江 雙鴨山市 七星礦樓房論套賣房，其中頂樓一套僅需1萬人民幣，引發廣泛關注及熱議。

根據《大象新聞》報導，1月13號在黑龍江 雙鴨山採訪業主 李先生。佢表示，目前頂樓售價一萬人民幣一套，五樓在1.5萬至2萬之間，一樓價格在 4、5萬。呢度有學校、超市乜都有，咩都唔缺。煤礦黃咗、人少樓多，所以平。

佢表示，呢度租房唔使錢、免費，要交取暖費、物業費就得，大概2000蚊人紙。李生話，貴嘅時候我30幾萬都冇賣，舊年3萬我就賣咗。據報，七星礦啲樓房多係開發商早年建，房齡雖不足十年，但受近年人囗外流、住房供應過剩影響，房價持續走低。

李生感慨話，而家嘅樓價真係睇唔明，咁低嘅價格，都唔知以後仲有冇機會起返。《搜狐網》報導，自地理位來睇，該地區多為經濟發展相對滯後嘅小城。啲城市因煤而興，又因煤而衰，產業結構單一，缺乏足夠嘅就業機會及發展前景。

加上人口大量外流、老齡化加劇，致住房需求不斷萎縮，供大於求導致市場失衡，成為樓價下跌嘅關鍵因素。報導話，頂樓本身存在諸多弊端，漏水隱患、夏季酷熱、冬季寒冷，保暖成本增加以及出行不便等問題，令購樓者望而卻步，進一步壓低頂樓房產價格。

隨著中國經濟低迷、失業率飆升，房地產持續衰退，造成房價普遍下跌。民眾發現房屋如白菜價，城市不僅存在黑龍江鶴崗，全國無數地方嘅樓價都朝著「鶴崗化」方向發展。

中國財媒曾報導，中國至少有95個城市正在「鶴崗化」。「鶴崗化」城市嘅名單，不僅局限於黑龍江鶴崗等資源枯竭型城市，亦不止分布於中西部偏遠地，中國25個省份都有城市上榜，就連京津冀、珠三角、成渝等城市，都已被「鶴崗化」城市或片區包圍。

報導說，在距離北京大概一百公里嘅張家口市，6萬就可以買到一套建築面積60平米嘅兩室一廳房，總價在10萬左右嘅房源，當地就有數十套。