根據《美國之音》14號報導， 在宣佈一項範圍最廣嘅措施，以阻止先進半導體落入中國或其他對手嘅一日後，將於1月20號離任嘅 拜登，再次簽署一項行政命令，鼓勵私人企業建設人工智能基礎設施。

拜登當日宣佈嘅消息，為其國內產能提供發展動力，而週一宣佈嘅措施，可保護美國在人工智能方面嘅技術優勢，並對其全球戰略奠定基礎。

根據今次宣佈嘅臨時性規則，美國將只准其18個盟友不受限制使用先進芯片。其中有無數其他合作夥伴，都未能進入呢份令人垂涎嘅名單之中，其中之一就係美國在印太區嘅戰略夥伴 印度。

美國商務部嘅政策框架將世界分三類：第一、包括美國及18個不受限制使用美國先進芯片嘅國家；其次係100幾個將受到先進半導體新限制嘅國家，但有部分被豁免；第三、包括中國、俄羅斯等面臨最大限制嘅對手。

印度、以色列、新加坡等美國盟友或親密夥伴，被列於第二類。戰略及國際研究中心(CSIS)印度及亞洲新興經濟體高級顧問兼主席 羅索(Richard Rossow)認為，呢個新框架中嘅注意事項，將確保印度未來有機會參與。

而事實上，美方已經宣佈，部分國家將有一條途徑，可獲得高於佢哋所認為嘅標準上限豁免，印度將會係少數幾個國家之一。

不過，塔夫茨大學 弗萊徹法律與外交學院 全球商務院長 查克拉沃蒂(Bhaskar Chakravorti)認為，印度及俄羅斯嘅關係，令其不屬於超級安全類別。

雖然美國希望同印度保持牢固關係，當然，莫迪同會努力繼續同 特朗普保持密切關係，但過去經驗中，印度政府確實非可靠盟友，因為佢僅採取對佢有最佳利益嘅選擇。但卻同美方嘅利益不一致。

一月初，美國國家安全顧問 沙利文(Jake Sullivan)曾前往印度，同印度總理 莫迪(Narendra Modi)及其他高級官員會晤。訪問期間，雙方重申建立「戰略技術夥伴關係」等承諾，並加強在美印關鍵及新興技術倡議(iCET)下合作，一個專注於技術夥伴關係嘅雙邊機制。