根據台灣陸媒《聯合報》14號報導，2014年前台北市長 柯文哲首次參選競選台北市長時，擔任其募款執行長嘅 鄭淑心女士近日出面爆料，指其友人幫 柯募款卻冇收到任何收據，後遭 柯妻 陳佩琪提告。鄭淑心13號晚在臉書FB繼續爆料指，柯不只竊國仲賣國，早在2015年就諗過要透過「威京集團」沈慶京等人牽線，試圖接觸中國領導人 習近平。

鄭淑心表示，面對 柯妻及一個擁有「八席立委」嘅台灣第三大黨 民眾黨提告，鄭女士指：早已卸甲歸田，自知勢單力薄，唯有以自殺式回應、以死謝罪，等大家知道史上最大政治詐騙犯 柯文哲嘅真面目。鄭女士並形容：柯文哲你非雍正，我亦非 呂四娘，無法一命抵一命咁回擊。

鄭心淑透過錄製影片，在一段長9分鐘嘅片中指，2014年 柯為同民進黨擬參選人比民調，就自稱負債700幾萬。當時 鄭對 柯話：700萬「濕濕碎」啦，至多認賠殺出，我哋會諗辦法幫你募款。自此 鄭就密集幫 柯做募款。由於 柯自稱係「深綠」，又曾任前綠營總統 陳水扁嘅醫療小組召集人，當時包括「台派、民進黨各派」，都願意出人、出錢、出力。

鄭淑心話，柯在2015年因為搞「雙城論壇」，開始密集接觸 習近平嘅對口。柯當時仲話，要在「凱達格蘭學校」會見一名雲林人，並稱要單獨談。當時 鄭女士不以為意，直至舊年爆出 柯妻有意買1.2億豪宅後，佢先知道嗰個「雲林大老」，原來就係「鎢鋼大王」廖萬隆，而 廖同習近平熟識，商界人士透露「係公開秘密」。

不過鄭淑心表示，「威京集團」沈慶京嘅友人、前奧會主席 吳經國，先係 習近平方面真正嘅直接對口。鄭女士指，2018年 沈之所以可以在雙城論壇晚宴坐主檯，就是因為 沈係幫 柯牽線 習近平嘅重要人物。

鄭淑心另表示，2024年大選結束後，面臨接踵而至嘅立法院長選舉，雖然 柯表面上話支持國民黨 韓國瑜做院長，但其實 柯私底下心有不甘，因為過去 韓在台北擔任「北農」總經理時，算係 柯旗下嘅重要部屬。

鄭淑心並加碼爆料指，柯文哲曾經私下搵民進黨高層，意圖要商討提名台灣民眾黨 黃珊珊做院長，換取俾民進黨 蔡其昌做副院長，不過未獲民進黨方面接受。最終導致整個憲政體制，在「藍白」合力多數夾殺之下，令台灣民主憲政倒退40年。

鄭淑心指，過去台灣人民挺 柯，係挺「清廉、公開、透明」，但後來見到佢一屁股爛帳，選舉金流、公帳私帳「亂七八糟」，「大錢、小錢、乜錢」都要攞，呢個似乎已非我哋想要支持嘅 柯文哲，或其所謂嘅「清廉、勤政、愛鄉土」。

鄭淑心最後話，柯文哲不只竊國仲賣國，意圖透過其「八席立委」在立法院內「毀憲亂政、踐踏司法」，要將國家搗爛。對此，我痛心至極，我好想以死謝罪，但我冇其他辦法，唯有將 柯文哲嘅真實面貌講俾大家聽。