根據《星島日報》14號報導，酒店業為吸引住客，多會在裝修風格上費盡心思，不過近日有間「醫院風」酒店，卻未必人人識得欣賞。有網民在網上指，在河北入住一間原醫院改裝嘅酒店，感覺特別陰。而網民就對服務員是否著「護士風」嘅姑娘裝最感興趣。

根據中國網民12號反映，在河北保定入住酒店，抵達後發現間酒店係「醫院風」，內部燈光幽暗，牆壁地板顏色素白、走廊有扶手、房門全部油成藍色兼有小玻璃窗，十足似醫院設計，令人出入特別感覺不自然及陰森。

網民並上載一段影片，其房門可見，涉事酒店叫「興芮快捷賓館」。走廊門上標識稱「辦理入住、退房請至快捷酒店4層商務中心」。根據中媒報道，1月13號，涉事酒店人員稱，因為之前酒店旁嘅「興芮醫院」建咗兩棟樓，建好之後醫院只用咗一座，另一座就被用做酒店，風格就係咁樣。

工作人員指，間酒店不 上網售賣，客戶多為業務經理介紹來「旅遊、學習」或係夏令營團隊，幾乎不接待散客，客房價格不對外透露。

有網民分享在2022年入住嘅房內照片，可見內部雖然空間寬敞，但陳設簡單，睡床雖已改為木床，非醫院使用之護理床，但室內電插座均設置在牆上高處，完全係醫院為救護儀器供電嘅高度。

網民對「醫院風」酒店大感興趣，有多人表示入住其內「感覺涼涼哋」，同有人風趣咁問酒店服務員「係咪著護士服」。