根據《香港電台》13號報導，香港「疫苗可預防疾病科學委員會」主席 劉宇隆表示，本港啱進入流感季、天氣轉冷，有唔少市民外遊返港，料流感感染率會繼續向上，恐需兩至三周先會回落，呼籲市民盡快接種疫苗。

對於政府表示，仍有逾160間學校拒絕參與流感疫苗學校外展計劃，並將名單公開，劉宇隆港台節目《千禧年代》表示，有得揀都好過冇得揀，學校參加計劃就係俾家長多個選擇，但原則係唔強迫他人打針。

劉宇隆表示，在學校打針嘅安排，的確可提高接種率，但總有部分人唔願接種疫苗。公開名單必然造成壓力，但最重要係同心協力，亦要尊重每個人嘅選擇。

劉宇隆建議，或可考慮未參加計劃嘅學校向當局通報原因，以利當局或業界有機會協助學校解決困難。劉宇隆指，如果流感疫苗接種率可推至六、七成，公營醫療嘅壓力亦會減輕。