根據《Yahoo新聞》13號報導，「源興美食」今宣佈將結業！在深水埗西九中心美食廣場屹立26年嘅「源興美食」一直受食客歡迎，更被唔少網民稱為「三餸飯始祖」。該舖太子爺YouTuber「熊仔頭」近日在社交網宣佈「源興美食」結業在即。消息一出，大量網民留言感到遺憾，紛紛表示不捨，雖然最後營業日尚未公佈，但食客若想回味該舖人氣美食，要把握最後機會！

「源興美食」在兩餸飯熱潮尚未興起時，早已因其平價、款式眾多而大受當區居民、食客歡迎。近日，該舖老細嘅仔「熊仔頭」在社交網發佈一段片，宣佈因父母已屆退休年齡，該舖即將結業。「熊仔頭」坦言，結業決定同金錢無關，並在帖文中指有意頂讓該舖人士可聯絡老闆娘。網民們對結業消息大感不捨，紛紛留言指「由細到大食過咁多間三餸飯，同屋企人一致認為呢間最好食」、「中學開始幫襯至大哥出嚟做嘢」等。