根據台灣《中央社》9號報導，台灣台東縣長 饒慶鈴在日前率團赴中，並於4號同中國國台辦主任 宋濤會晤，未有事先向台灣主管機關報備，傳將被有關機關約詢，交代雙方會面談話內容。對此，饒慶鈴宣稱，自己未接到通知，並指「自己只不過係去幫農民賣水果啫」。

饒慶鈴在返 台東嘅火車上，接受記者電訪表示，自己唔理解去幫農民賣水果，點解要挑起咁大仇恨，縣長就係唔好令農民餓肚，並稱目前暫未知會受到咩處置。

台灣陸委會副主委兼發言人 梁文傑早前表示，駐京記者在舊年12月31號已接獲中國國台辦採訪通知，顯示會晤係事先安排好嘅，饒慶鈴事前填報不確實，主管機關經調查後會做出適當處置。